LEXO PA REKLAMA!

SHKARKO APP

“Kemi dorëzuar dhjetëra padi”/ Berisha: Partia e Ramës i ka hedhur në kosh

29 Maj 2023, 13:00, Politikë CNA

“Kemi dorëzuar dhjetëra padi”/ Berisha: Partia e

Ish-kryeministri Sali Berisha ka folur në një deklaratë për mediat për shkeljet dhe grabitjen e votave në zgjedhjet e 14 majit.

Ai është shprehur se PD ka dorëzuar me dhjetëra padi, por këto janë hedhur në kosh nga partia e kryeministrit Edi Rama.

Më tej, Berisha theksoi se pas denoncimeve do të bëhet një analizë serioze e detajuar me të gjitha problematika dhe mangësitë e këtij procesi.

Ju garantoj se OSBE-ODIHR dhe KE, PE, Kongresi i SHBA-së janë thellësisht të interesuar për standardet e zgjedhjeve dhe nuk pajtohen kurrë me këto praktika. Pra zëri juaj do të dëgjohet, zëri i qytetarëve do të dëgjohet.

Me dhjetëra padi janë dorëzuar pavarësisht se hidhen në kosh nga Edi Rama dhe partia e tij. Por ne prapë bëjmë detyrën.

Pas përfundimit të raportit ne do të nisim analizën dhe është në detyrimin tonë.

Një analizë më seriozja që kemi bërë ndonjëherë për zhvillimet për problematikat, për mangësitë, për defektet e të gjithë makinerisë sonë elektorale nga kreu tek anëtari i thjeshtë.

Mbledhja e këtyre të dhënave është e një rëndësie të jashtëzakonshme, është një detyrim moral dhe ligjor që kemi para zgjedhësve shqiptarë. Është jetik për t'u dhënë përgjigjen më të mirë problemeve dhe për të shkuar drejt betejës së ardhshme. Dua të siguroj anëtarët dhe mbështetësit se analiza e zgjedhjeve që do të jetë faza tjetër pas denoncimit do të bëhet me seriozitetin më të madh nuk ka asnjë mëdyshje”, është shprehur Berisha./ CNA.al

Lajmet e fundit nga