Abilekaj: Rikthimi i Bashës si propozim i pakërkuar

29 Maj 2023, 22:33, Politikë CNA

Abilekaj: Rikthimi i Bashës si propozim i pakërkuar

Gazetari Enton Abilekaj

Gazetari Enton Abilekaj ka mbajtur një qëndrim kundër rikthimit të Lulzim Bashës, i cili dha dorëheqjen si kryetar i PD-së, por vazhdon të jetë në detyrë në gjykatë.

Abilekaj tha në emisionin e Ylli Rakipit se rikthimi i Bashës si propozim i pakërkuar, ndërsa e krahasoi me propozimet që i vijnë qeverisë për të marrë ndonjë tender.

Ai deklaroi se askush nuk e kërkoi Bashën, por ai po kthehet për shkak të interesit të tij personal për të vazhduar karrierën politike aty ku e la.

“Rikthimi i Bashës është i pakërkuar, si ato propozimet që vinin te zyrat e Rilindjes për ndonjë tender, sepse në të dyja palët ne nuk kemi asnjë kërkesë që të vijë Lulzim Basha.

Z. Xhaferaj ka qenë një prej atyre që i ka karkuar Berishës pas 6 marsit që të bëjë një hap prapa, Alibeaj donte që Basha të bënte një hap prapa, por të hynte në një proces zgjedhor, pas zgjedhjeve lokale, Gazment Bardhi po ashtu. Asnjëri nuk kërkon rikthimin e tij.

Për çfarë po kthehet Lulzim Basha, kush po e kërkon? Nuk ka asnjë, përveç interesit të vet për të vazhduar karrierën politike, aty ku e la, për interesa krejt personale.

Do të kthehet, po kush? Nëse do të kthehej një fitues që e la në mes detyrën dhe po rikthehet se PD-ja humbi keq, atëherë mund të kishte nostalgji: hajde të marrim fituesin. Ky s’ka asnjë të kaluar fituese, është humbës profesionist.

E dyta, çfarë do të bëjë që do të rikthehet? Do të marrë një pjesë të PD-së, që nuk e dimë se sa do jetë, do e drejtojë, do e çojë në zgjedhje, me një rezultat gjysëmopozitar për t’i prishur punë gjysmës tjetër dhe Rama ta ketë edhe më të lehtë fitoren. Ky e shkatërron opozitën edhe më keq. Nëse e ka menduar këtë rikthim për t’i dhuruar një fitore tjetër Ramës, kjo është një shenjë shumë e keqe për PD-në.

Dhe e treta, nëse do të kemi rikthim të debateve brenda PD-së, tregon se dikush e sheh si biznes personal opozicionin në Shqipëri dhe do ta marrë pavarësisht se çfarë mendojnë njerëzit dhe nëse rikthehen këto debate, duhet themeluar opozitë e re", theksoi gazetari./ CNA.al