web counter
LEXO PA REKLAMA!

SHKARKO APP

App Store
Google Play

Ndërkombëtarët izolojnë Xhafajn, i dështon komisioni pa filluar punë

17 Qershor 2024, 14:40, Editorial CNA
Ndërkombëtarët izolojnë Xhafajn, i dështon komisioni pa
Fatmir Xhafaj, foto LSA

Prej disa muaj është raportuar për një komision, i cili në parim dukej se ishte një hap në procesin e integrimit, apo në lidhje me institucionet e pavarura që duhet të kishin përgjegjësi përballë Bashkimit Evropian.(lexo këtu)

Kështu u reklamua dhe si i tillë duhet të kishte mbështetjen e të gjitha palëve, këtë e tha edhe ambasada amerikane, e cila kërkoi një komision bipartizan, pra një komision të vërtetë reformash në rrugën drejt Evropës. (lexo këtu)

Por përpara se të shfaqej politikisht ky komision ishte reklamuar nga Erion Veliaj, kryebashkiaku i Tiranës, i cili rrugëve të kryeqytetit theksonte se kishte zgjedhur Fatmir Xhafajn dhe i kishte mbushur mendjen Edi Ramës për një komision që do të kontrollonte SPAK-un dhe ky institucion do ta kishte të pamundur që të arrestonte drejtorët e tij. (lexo këtu)

Ndërkombëtarët izolojnë Xhafajn, i dështon komisioni pa
Fatmir Xhafaj dhe Erion Veliaj

Mazhoranca avancoi me komisionin

Avancoi në momentet që u arrestuan drejtorët e Erion Veliajt, plasi skandali i dosjes "5D", inceneratorëve dhe me vajtjen e kryebashkiakut Erion Veliaj në SPAK, pasi u pyet për 7 orë, menjëherë pati veprime të tjera me mazhorancën. (lexo këtu)

Kryeministri Edi Rama nuk e ka pranuar asnjëherë që ky komision të ketë të bëjë me SPAK-un, përkundrazi ai deklaron se SPAK-u është aty për shkak të tij dhe ka qenë vullneti i tij politik dhe duhet të kalojnë mbi trupin e Ramës dhe amerikanëve që SPAK-u të mos ekzistojë, apo të sulmohet. Kryeministri thekson se komisioni ka një tjetër detyrë.

Në fakt në të gjitha analizat politike duket se komisioni që në momentin e parë, ku i është caktuar kryetari është i paragjykuar. Është i paragjykuar se është zgjedhur enveristi i fundit për të bërë një komision në lidhje me marrjen në pyetje apo rekomandimet, ndryshimet ligjore dhe çuarjen përpara të procesit të integrimit. Jo thjesht për të si një individ, por për faktin se një komision e ka parlamenti për integrimin dhe drejtohet nga opozita. (lexo këtu)

Ndërkombëtarët izolojnë Xhafajn, i dështon komisioni pa
Fatmir Xhafaj dhe Enver Hoxha, marrë nha Google

Mazhoranca për të thithur të gjithë opozitën në proces, mund të ndërtonte një komision tjetër dhe sërish do t’ia jepte opozitës që të bënte dy bashkëkryetarë dhe të tregonte që donte një frymë të vërtetë bashkëpunimi. Pra donte një komision, i cili do të shqyrtonte ndryshimet ligjore, kapacitetet institucionale, procesin e integrimit sipas hapave të mirëpërcaktuara nga BE-ja e kështu me radhë.(lexo këtu)

Por nuk ndodhi kjo. Ndodhi që u ec përpara me një individ, i cili e ka bërë paçavure Reformën në Drejtësi.(lexo këtu)

Deri më tani i vetmi institucion që ka funksionuar është SPAK-u, ka raportime dhe korrupsion për paaftësi të madhe në nivele të ndryshme të gjykatave. Kemi një Gjykatë Kushtetuese, është një ushtri partie. Kemi një Gjykatë të Lartë me njerëz që nuk kanë bërë veting, institucione si KLP apo KLGJ me plot e përplot skandale që u paguhen drekat nga biznesmenë në restorante luksoze për interesa të tyre me drejtësinë, e kështu me radhë.(lexo këtu)

Pse duhet Fatmir Xhafaj?

Pse duhet të paragjykohej komisioni? Në fakt që në fillim nisi si një dështim sepse e braktisën ndërkombëtarët. Asnjëri nga institucionet diplomatike nuk shkojnë në fillimet e punimeve të këtij komisioni. Gjithashtu opozitës, së cilës edhe pse iu vendosën përfaqësuesit, e bojkotoi. (lexo këtu)

Ndërkombëtarët izolojnë Xhafajn, i dështon komisioni pa
Fatmir Xhafaj

Duket qartë që komisioni “Xhafaj” ka nisur për të dështuar, sepse qëllimi i tij nuk është aspak i sinqertë, por është një manovër politike për të vënë në presion SPAK-un dhe institucionet e drejtësisë. (lexo këtu)

Ndërkombëtarët izolojnë Xhafajn, i dështon komisioni pa
Komisioni i Posaçëm që do thërrasë në apel institucionet e shtetit

Të shkosh në BE me enveristin e fundit?

Të gjithë do të donin një komision, jo vetëm parlamentar, por edhe më të gjerë, jo vetëm bipartizan, por edhe për të gjerë, ku të përfshihen të gjithë aktorët dhe faktorët e shoqërisë, për të gjitha nivelet drejtuese dhe të mbështetjes gjerësisht, të shkonteedhe në reforma kushtetuese, ndoshta të nevojshme për vendin për t’u hyrë në themel të gjithë hapave që na çojnë në BE.

Por të shkosh në BE me një enverist që ka dështuar një Reformë në Drejtësi, duke nxjerrë nga sistemi individë të ndershëm dhe duke mbajtur brenda tij pazarxhinj dhe rilindas, të cilët janë avokatët më të këqij të pushtetit të mazhorancës, apo të shkosh në reformë të integrimit evropian me enveristin e fundit, do t’i thuash Evropës që ne po vijmë, e kemi ndryshuar pasi enveristin e kemi bërë demokrat dhe e kemi proevropian dhe proamerikan, këtë nuk e pranon më kush. 

Sa për suksesin e Fatmir Xhafajt të Reformës në Drejtësi që shpaloset me të madhe, të gjithë duhet të kuptojnë se nuk ishte Fatmir Xhafaj që e bëri Reformën në Drejtësi, apo shokët e tij. Fatmir Xhafaj thjesht dhe vetëm në fund mori të printuar dokumentet e përgatitura nga ndërkombëtarët që dhe ato ishin plot gabime e në rast se Xhafaj do të ishte profesionist duhet t’i kishte korrigjuar ato, por nuk e bëri dot kurrë, pasi nuk dinte ta bënte këtë gjë. (lexo këtu)

Nga ana tjetër, Fatmir Xhafaj që shpaloset si vizionar, proevropian, në fakt është një nga njerëzit që drejtoi Reformën në Drejtësi me një grup ekspertësh, të cilët sot e kanë kapur drejtësinë. (lexo këtu)

Kjo është Reforma në Drejtësi e Fatmir Xhafajt që në fakt kishte thjesht dhe vetëm vullnetin e ndërkombëtarëve, se të ishte për Xhafajn, kishte marrë dhe kishte vënë në çdo gjykatë fotografinë e Enverit si dikur para viteve '90. (lexo këtu)

Kjo është reforma e re që pritet nga Fatmir Xhafaj, nga enveristi i fundit, tashmë i braktisur nga ndërkombëtarët dhe nga opozita, ka dështuar që në fillim me komisionin e tij të panevojshëm, i cili kërkon të përdoret si një armik i vërtetë ndaj SPAK-ut./CNA 





16:11 Editorial Elvi FUNDO

Vula nuk mjafton!

Gjykata e Apelit më në fund vendosi drejtësi. I dha vu...

12:05 Editorial

Thjesht Erioni!

Nuk duhet të lodhesh shumë nga ana gazetareske për të bërë...

Lajmet e fundit nga