Si Erion Veliaj tentoi të rrëmbente Kombëtaren shqiptare

14 Qershor 2024, 11:18, Editorial CNA

Si Erion Veliaj tentoi të rrëmbente Kombëtaren shqiptare

Kryetari i Bashkisë së Tiranës, Erion Veliaj. Burimi LSA

Kombëtarja shqiptare nis të shtunën e 15 qershorit rrugëtimin e saj në “Euro 2024”, që do të mbahet në Gjermani. Për herë të dytë, Shqipëria merr pjesë në turneun më të rëndësishëm të futbollit në Evropë.

Ky sukses i arritur nga kuqezinjtë është padyshim edhe meritë e Federatë Shqiptare të Futbollit, me në krye Armand Dukën.

Por numrit një të qeverisë së futbollit në vend iu desh një “luftë” me kryetarin e Bashkisë së Tiranës, Erion Veliaj, për të shijuar këto suksese të Shqipërisë. (Lexo këtu)

Presidenti i FSHF-së, Armand Duka. Burimi LSA

Erion Veliaj është politikani që tentoi të rrëmbejë Kombëtaren shqiptare të futbollit, duke kapur federatën, me njerëzit dhe intrigat e tij.

Veliaj sulmoi Armand Dukën, duke krijuar intriga dhe mashtrime, si dhe duke tentuar të ndërhyjë në zgjedhjet për presidentin e FSHF-së.

Kryebashkiaku i Tiranës kërkoi edhe një hetim ndërkombëtar për Armand Dukën dhe FSHF-në. (Lexo këtu)

Kush qëndron pas sulmit ndaj FSHF dhe Armand Dukës
24 Janar, 15:25
Bashkia e Tiranës kërkon hetim ndërkombëtar për Armand Dukën
23 Janar, 12:17

Por të gjitha akuzat e ngritura nga Veliajt që u zotua të merrej personalisht me Dukën, nuk ishin gjë tjetër veçse mashtrime dhe skema për të marrë FSHF-në.

Në rast se Veliaj do të kishte kapur federatën, Kombëtarja sot nuk do të ishte në Europian. (Lexo këtu)

Ky është një leksion i qartë, që kur politika dhe raca e njerëzve si Erion Veliaj mbajnë duart larg nga futbolli, ai është i suksesshëm dhe kështu duhet të ndodhë.

Njerëz si Erion Veliaj nuk duhet të jenë në politikë që Shqipëria të bëhet më mirë.

Kombëtarja është një leksion për të gjithë shqiptarët, se si duke mos u kapur nga fara e Erion Veliajt, kemi një kombëtare në Europian, për herë të dytë.

Kryetari i Bashkisë së Tiranës, Erion Veliaj. Burimi LSA

Nëse do të kishim Veliajn, Federata do të ishte kthyer në një çetë me hajdutë si drejtorët hajdutë të lali Erit dhe ndoshta Kombëtarja shqiptare do të renditej e fundit në grup dhe jo më të shkonte në Europian.

Pas dështimit të Veliajt, federata e drejtuar nga Armand Duka dërgoi drejt suksesit Kombëtaren shqiptare, duke rishkruar histori me kualifikimin në Europian.

Veliaj, i cili sulmonte dikur Dukën, tashmë me paratë e taksapaguesve shqiptarë ka blerë bileta për të shkuar të shijojë suksesin e arritur nga Armando Duka dhe nga trajneri Silvinjo, që në Shqipëri e solli kreu i FSHF-së. (Lexo këtu)

Veliaj i detyrohet një ndjesë publike Dukës për sulmet dhe intrigat e tij, si dhe transparencë e llogaridhënie qytetarëve të Tiranës për shpenzimin e taksave të tyre në bileta për të parë duelet në Gjermani./ CNA