Si e ktheu SPAK-u Veliajn nga Lali në LOLO

26 Maj 2024, 21:17, Editorial CNA

Bën vaki edhe kështu, ai që e quante veten lali dhe shiste fiq, mund të kthehet nga lali në lolo dhe këtë e ka bërë SPAK-u me kryebashkiakun e Tiranës, Erion Veliaj.

Dikush do të pyesë pse lolo, po e renditim poshtë mes rreshtash.

Kur SPAK-u dhe prokurori Dritan Premçi firmosën marrjen në pyetje të Erion Veliajt, ky i fundit u sëmur, i plasi tëmthi. Ne i kemi uruar të shkuara kryebashkiakut se te shëndeti nuk bëhet shaka, por pastaj se ç’shpiku disa udhëtime jashtë shtetit, ku nëpër aeroporte i binin gratë para këmbëve dhe ky shërbëtori i madh i popullit i ndihmonte.

Pas arrestimit të drejtorëve, Erion Veliajt i plas tëmthi
30 Mars, 15:33
Veliaj merr rrugët që të mos shkojë në SPAK
23 Prill, 14:30

Pastaj doli në një televizion të paguar nga inceneratorët dhe tha se SPAK-u nuk e kishte thirrur, por ky do të paraqitej vetë se do të takonte disa “kolegë” për të diskutuar në mënyrë pro aktive. Në fakt, fletëthirrja i kishte vajtur dy herë, shkoi në SPAK një orë para dhe aty e lanë një orë te dera, e lanë si lolo, lalin.

Atë lali që kishte bërë si lolo aeroporteve të Evropës, që ishte sëmurur kur i vajti fletëthirrja, tani e pamë të qëndronte te dera dhe të priste që “kolegët” ta fusnin brenda. Kolegët e nderuar e lanë një orë në pritje dhe i treguan se në SPAK nuk mund të shkosh kur do ti, si lolo, as si lali, por do të shkosh si zyrtar kur të thërrasin. Përgjigjen e morri dhe nga vetë Altin Dumani pak ditë më parë. (Lexo këtu)

Si e ktheu SPAK-u Veliajn nga Lali në LOLO

Erion Veliaj te dera e SPAK-ut

Më pas, ndodhën qyfyre të tjera. Doli në media dhe sulmoi kë mundi. Akuzoi gazetarë, botues, çfarë nuk nxori nga goja, i foli vetëdija. Mes rreshtash dhe pyetjesh lali që ishte bërë lolo pak orë më parë e kishte kuptuar se çfarë kishte ndodhur, se çfarë kishte hetuar SPAK-u, pasi “kolegët” nuk e kishin mbajtur kot 7 orë.

Më tej, filloi të dalë duke qeshur në rrugë, të tregojë se nuk ka problem dhe të fillojë me tezën se e ka mbyllur me SPAK-un, nuk do t’i bëjnë asnjë hetim, ashtu sikundër kishte thënë më parë se ai i kishte b*let prej hekuri, SPAK-un e kontrollonin ata, drejtorët nuk ia prekte njeri dhe tani gjysma e bashkisë është në burg, pritet të shkojnë edhe disa të tjerë. (Lexo këtu)

SPAK

Lali u kthye në lolo sërish sepse tha se nuk do të hetohej, por pak ditë më parë i doli në media se po i hetohej pasuria, lali që ishte bërë lolo. Këtë që nuk e hetonte SPAK-u, tashmë po i hetojnë familjarët, bashkëshorten, vëllain, nënën, kolegët e lalit që ishte bërë lolo.

Sot lali kishte rolin e tij të fundit si lolo, duke shkuar në Milano për të thënë se ishte ai në takimin me Ramën, kishte postuar edhe një status të kryeministrit në rrjetet sociale sikur e kishte të vetin, hodhi postime, bëri reklama sa “plasi”. (Lexo këtu)

Postim i Veliajt

Në fakt, në fund edhe vetë Rama e la lalin si lolo. Hyri brenda, as nuk i dha dorën, i ktheu kurrizin, e injoroi totalisht dhe lali sot ngeli sërish si një lolo. (Lexo këtu)

Kryeministri Edi Rama injoron Erion Veliajn

Dhe kjo jo se ai ka qejf, por SPAK-u me veprimet që ka bërë i ka treguar lalit se si ai mund të bëhet një lolo, se si ai që shiste fiq dhe martohej kalave, se si ai që shiste fiq dhe ka 3 kate banesë në një nga zonat me luksoze të Tiranës, vlera e së cilës ndoshta është me qindra mijëra euro, ai që shiste fiq, që bashkëshortja e tij i shton aksionet nëpër kompani apo braktis jurisprudencën dhe merret me kurim arti, ai që shiste fiq dhe vëllai i tij merr një kompani dhe me ardhjen e lolos në krye të bashkisë apo siç e quan veten ai kreu i organizatës ku janë kapur plot hajdutë, i qindrafishohet xhiroja, i shkon me miliona euro qarkullim, dhjetëra miliona euro, sapo lali shkon kryetar bashkie.

Tani SPAK-u po ia heton të gjitha, për të treguar se nuk kemi të bëjmë më një lali që shiste fiq, por kemi të bëjmë me një lolo të politikës, i cili do të shkojë përballë ligjit. Ky është rasti kur SPAK-u e merr lalin dhe e bën lolo./ CNA