Vula nuk mjafton!

12 Qershor 2024, 16:11, Editorial Elvi FUNDO

Selia e PD, burimi i fotos: LSA

Gjykata e Apelit më në fund vendosi drejtësi. I dha vulën, siglën, Sali Berishës, në fakt, njeriut që shumica absolute në PD, asaj që ka ngelur nga PD-ja, një PD shumë e madhe, dikur më e vogël, sot ku Sali Berisha ka qenë historikisht shumicë.

Ajo që bëri në dhjetor të vitit 2021 në “Air Albania”, ku mblodhi dhjetëra mijëra veta, ishte mesazhi i plotë se me kë ishte shumica e demokratëve, ndërkohë që Lulzim Basha ishte me rreth 2 mijë veta në Pallatin e Kongreseve, ku pretendohej se kishte 5 mijë delegatë në një sallë ku ka rreth 1900 karrige.(LEXO KETU)

Sali Berisha, burimi i fotos: LSA

Lulzim Basha në Kuvend, burimi i fotos: LSA

Prandaj dhe gjykata me gjithë procedurat me shqyrtimin e çështjes në themel, vulën ia dha Sali Berishës, por vula nuk mjafton. Sali Berishës nuk i mjafton vula për të fituar zgjedhjet apo për të bërë një Parti Demokratike të madhe e për të larguar nga pushteti kryeministrin Rama. (LEXO KETU)

Është shumë pak vula. Berisha e provoi edhe një vit më parë në zgjedhjet lokale, Partia Demokratike e tij e bashkuar me Ilir Metën ka marrë një rezultat totalisht zhgënjyes.

Fitorja e Ramës ka qenë dërrmuese në të gjithë vendin dhe në pak pika ku ka fituar Berisha ka fituar për shkak të disa individëve me influencë në zonë apo me reputacion. Një parti e madhe që të konkurrojë Partinë Socialiste duhet të jetë mbi 30% dhe më pas me frymën e zgjedhjeve të godasë shumicën për t’u kthyer vetë në fitues.

Nga Elvi Fundo/ Manipulimi, blerja dhe humbja e zgjedhjeve
23 Maj, 14:43

Shumicën e votave e bëjnë patjetër dhe kandidatët, strukturat e partisë e kështu me radhë, por Sali Berisha sot ka vulën, por nuk ka struktura, në shumë qytete i ka të përçara beteja e tij me Lulzim Bashën, e ka shpartalluar partinë në bazë. Njerëzit janë sharë, kanë bërë sherr mes vete, janë rrahur nëpër lokalitete.

Në fillim rriheshin dhe sulmoheshin nga Lulzim Basha ata që mbronin Sali Berishën, më pas një pjesë e atyre të Bashës u bashkuan me Saliun, më pas këta të Saliut kanë marrë revanshin kundër këtyre të Bashës, por në fakt po t’i mbledhësh të gjithë janë të gjithë demokratë.

Lul Basha tallet me Kryesinë/ “Vulën do ta marrim në Gjykatën e Lartë ose në Strasburg”
11 Qershor, 22:22
Ekskluzive-Si i mashtroi Basha sot në mëngjes mbështetësit e tij
11 Qershor, 22:00

Një trupë e mbledhur militantësh, e cila fatkeqësisht është më e vogël se strukturat e PD së ‘97 që edhe pse kishte një zhgënjim të madh ndaj Partisë Demokratike.

Në ‘97 njerëzit ishin më të bashkuar, kishin një lloj ideali, u dukej sikur u ishte bërë një padrejtësi, u ishte bërë një revolucion komunist, ishte rrëzuar PD-ja nga pushteti, ishin gjallë akoma bijtë e diktaturës e kështu me radhë, kurse sot edhe tezat antikomuniste PD-së i kanë rënë sepse askush nuk mund të thotë që Rama është komunist, për më tepër është më antikomunist ndoshta sesa Berisha.

U ka rënë teza ish-pronarëve pasi në 30 e ca vite qeverisi dy herë vendin për gati 13 vite dhe nuk ua ktheu kurrë pronat pronarëve.

I ka rënë kolona e të përndjekurve sepse erdhi 8 vite në pushtet dhe nuk mundi t’i dëmshpërblente 100%, por dha vetëm 2 këste dhe më pas gjithçka u ndal dhe u kujtua në fund. I ka rënë ylli polar, që ka qenë Kosova.

I ka rënë Shqipëria në NATO sepse Shqipëria ka hyrë në NATO. I ka rënë teza e integrimit në BE pasi vetë mazhoranca socialiste dhe të gjitha partitë politike e kanë këtë tezë.

Prandaj PD po lufton me antikorrupsionin me sulme ndaj kryeministrit. Por të luftosh me antikorrupsionin, me ata deputetë që janë në Grup Parlamentar dhe me ata ish-ministra apo ish-drejtorë disa deri të neveritshëm me qytetarët gjithçka është tepër e vështirë për t'u kthyer në mazhorancë.

Ekskluzive – Pas humbjes së vulës, zbulohet hapi i Bashës
11 Qershor, 14:30

Prandaj dhe qëndron fjalia, “Vula nuk mjafton”. Duhet një PD e mirorganizuar, një PD që përfaqëson elitën dhe sado që të luftojë doktori nuk mundet që Berisha të jetë frymëzues i një fitoreje të madhe. Patjetër është një lider i padiskutueshëm, është një qëndrestar absolut, por duhet edhe më shumë sesa kaq.

Duhet një PD më e madhe, më e mirorganizuar, me më shumë emra, me një elitë të rifreskuar që qytetarët ta besojnë, në të kundërt vula do të humbasë sërish edhe nuk do të jetë më debati kush e ka dhe kujt i përket vula, por do të ngelet një PD e vogël, e mbyllur dhe e trashëguar ndoshta për interesa familjare. Deri në këto momente vula nuk mjafton.

Nuk është vula që ta jep fitoren. Fitoren ta jep struktura, ta jep fryma, fitoren ta jep vota. Deri tani PD ka vetëm vulën, si me të, si pa të nuk është ende shumicë./ CNA