web counter
LEXO PA REKLAMA!

SHKARKO APP

App Store
Google Play

Ekskluzive – Pas humbjes së vulës, zbulohet hapi i Bashës

11 Qershor 2024, 14:27, Politikë CNA

Lulzim Basha do të vazhdojë t’u shërbejë përplasjeve politike dhe të jetë prezent. Ai ka gjetur tashmë një skemë të re.

Pas humbjes së vulës nga Gjykata e Apelit, përveçse ankimimeve dhe hapave të tjerë ligjorë që pritet të jenë veprime për të mbajtur me shpresë njerëzit, Lulzim Basha është duke përgatitur një koalicion.

Pak a shumë do të bëjë të njëjtat veprime që ka bërë edhe Sali Berisha me Ilir Metën, ku doli në një koalicion megjithëse nuk kishte vulë.

Basha dhe të tijtë po përgatiten të kenë një koalicion me disa parti të vogla dhe nëpërmjet vulës së tyre apo hapësirave ligjore që kanë të krijojnë një grupim politik për të dalë në zgjedhjet e ardhshme parlamentare.

Tashmë pa vulë dhe pa logon në siglën e PD-së, por me një hap të ri që do të jetë një grupim politik opozitar, ashtu siç shpesh e ka artikuluar Luli.

Ekskluzive – Pas humbjes së vulës, zbulohet hapi i Bashës
Lulzim Basha me deputetët e tij, burimi LSA

CNA mëson nga burime zyrtare te njerëzit e Bashës se ky ka qenë një hap i parapërgatitur dhe i mirëmenduar në rast se gjykata do të jepte një vendim si ky i sotmi që e le pa vulë, pa sigël dhe pa logo Lulzim Bashën dhe të tijtë, një grup individësh të cilët menduan se një pakicë mund të rrëmbente vulën, siglën dhe logon e një partie.

Tashmë gjykata ka vendosur, ka një vendim final dhe Lulzim Basha ka ngelur pa to. Do të duhet të gjejë drejtimin, të gjejë fytyrën dhe mënyrën se si do të dalë në zgjedhjet e ardhshme. Tashmë ai e ka gjetur, do të bëjë një hap tjetër duke dalë me një grupim të ri politik dhe duke shfrytëzuar partitë e vogla që do të regjistrohen në zgjedhje për të krijuar edhe një koalicion për zgjedhjet e ardhshme parlamentare të vitit 2025./ CNA





Lajmet e fundit nga