web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi për Veliajn: Nuk ke shpëtim, fundi yt është i shpejtë!

10 Qershor 2024, 21:32, Politikë CNA
Paralajmërimi për Veliajn: Nuk ke shpëtim, fundi yt
Erion Veliaj në mbledhjen e Këshillit Bashkiak

Ish-kryeministri Sali Berisha, në fjalën e tij në tubimin para banesës, e quajti kryebashkiakun Erion Veliaj një nga hajdutët më të pamëshirë të Shqipërisë dhe planetit.

Pasi i ka renditur akuzat, Berisha ia bën të qartë Veliajt se tani nuk ka më shpëtim dhe se fundi i tij do të jetë i shpejtë.

"Ju informuam se si zyrtarët e paguar me taksat tuaja hapnin në të katër anët sistemet e shtetit dhe i vendosnin ata në funksion të krimit.Në çdo akt, në çdo vendim, në çdo gjë, aty ku është dora e pushtetit, është dora e krimit. Në bastisjen e fundit që bënë kanë vjedhur miliona e miliona euro.

Po miqtë e mi se kur i numërojnë, gjysmën i vjedhin. Erion Veliaj është nga hajdutët më të pamëshirë të Shqipërisë dhe planetit. Erion Veliaj kërcënon, çon mesazhe me aferat e vëllait të vet, zyrtarë të tjerë.Erion Veliaj përdor tani mercenarët e Skapit, përdor krimet e tij dhe të vëllait të vet, për të shpëtuar, për t’u mbrojtur nga vjedhjet që ka kryer.

Për të mbrojtur 136 milionë euro të zhdukur në djegësin e Tiranës së bashku me Edi Ramën.Për të mbrojtur qindra e qindra milionë euro të tjera të shndërruara në pallate, hotele luksoze me 5 yje dhe të depozituara në kontot offshore.

Erion Veliaj, nuk ke shpëtim, qytetarët e Tiranës të kanë prerë biletën, të kanë varur teneqenë.Fundi yt është i shpejtë.Do varesh në shtyllën e turpit të kryeqytetit, në sheshin Skënderbej.

Ik më mirë, ik sa më shpejt sepse qytetarëve të revoltuar, qytetarëve të zemëruar, guximtarëve të pamposhtur nuk ka forcë më botë që t’u rezistojë.Ndaj miqtë e mi, të vazhdojmë ne këtë betejë, më të bashkuar, më të fuqishëm, më me guxim se kurrë më parë.Gjer në fitore.Fitore, fitore, fitore!", tha Berisha./ CNA





Lajmet e fundit nga