Investigimi i “Rai 3”/ Duka: Rama bëri zhurmë se donte, pjesën e racizmit nuk e beson njeri

10 Qershor 2024, 19:42, Politikë CNA

Investigimi i “Rai 3”/ Duka: Rama bëri zhurmë se donte,

Kryetari i PAA, Agron Duka

Kryetari i PAA, Agron Duka ka komentuar investigimin e Rai 3 dhe sulmet e kryeministrit Edi Rama ndaj medias italiane pas publikimit të dokumentarit.

Zoti Duka është shprehur se zhurma u bë sepse kryeministri Edi Rama donte t’a bënte, pasi është mësuar me gazetarët, të cilëve ua jep vetë pyetjet, ndërsa gazetari italian refuzoi të pinte kafe me të para intervistës.

Kreu i PAA tha se, pjesën e racizmit nuk e besojnë shqiptarët pasi dokumentari atakonte vetë Ramën dhe disa nga njerëzit e tij më të afërt si të dyshuar për korrupsion.

“Vërtet u bë shumë zhurmë, por mendoj se zhurma u bë sepse kryeministri donte ta bënte. Mesa duket i mësuar me gazetarë që ua jep pyetjet vetë, ai u mërzit shumë që një gazetar i huaj refuzoi të pinte kafe me të para intervistës. Pastaj, ajo puna e racizmit kundër nesh besoj se nuk ka njeri ta besojë. Dokumentari atakonte atë vetë dhe disa njerëz të afërt të tij si të dyshuar për korrupsion, s’ka lidhje kjo punë me shqiptarët dhe Shqipërinë, e aq më shumë me racizëm. Rama donte thjeshtë të merrte solidaritetin e shqiptarëve që të bënin shqiponjën me duar të dilnin në mbrojtje të tij”, tha Duka.

I pyetur se përse një kanal televiziv italian duhej të shënjestronte kryeministrin e një vendi tjetër, Duka u shpreh se vetë Meloni tha kur ishte në Shëngjin se Rama u bë objekt sulmi sepse po ndihmon qeverinë e saj dhe Italinë.

Sipas Dukës këto janë makinacione politike. Ajo që dihet është se Rai 3 po ndjek një aferë të dyshuar të qeverisë dhe lidhjeve të korrupsionit të qeverisë me organizatat kriminale apo politikanë të korruptuar italianë.

Pjesë nga intervista

-Z.Duka, një betejë e “madhe” e qeverisë me median italiane, Kanalin RAI 3. Rama e akuzoi televizionin edhe për sulme rraciste ndaj Shqipërisë dhe shqiptartëve. Çfarë komenti keni ju?

-Vërtet u bë shumë zhurmë, por mendoj se zhurma u bë sepse kryeministri donte ta bënte. Mesa duket i mësuar me gazetarë që ua jep pyetjet vetë, ai u mërzit shumë që një gazetar i huaj refuzoi të pinte kafe me të para intervistës. Pastaj, ajo puna e racizmit kundër nesh besoj se nuk ka njeri ta besojë. Dokumentari atakonte atë vetë dhe disa njerëz të afërt të tij si të dyshuar për korrupsion, s’ka lidhje kjo punë me shqiptarët dhe Shqipërinë, e aq më shumë me racizëm. Rama donte thjeshtë të merrte solidaritetin e shqiptarëve që të bënin shqiponjën me duar të dilnin në mbrojtje të tij.

-Po përse një kanal televiziv italian duhej të shënjestronte kryeministrin e një vendi tjetër?

-Kështu tha Rama, por unë dëgjova qe kryeministrja Meloni vetë, kur erdhi në Shëngjin, tha se ata e kanë me mua, dhe Rama u bë objekt sulmi sepse po ndihmon qeverinë e saj dhe Italinë. Këto janë makinacione politike. Ajo që dihet është se RAI 3 po ndjek një aferë të dyshuar të qeverisë italiane me kampin e Shëngjinit, dhe për të treguar se me kë po bashkëpunon Melioni, i hyri edhe lidhjeve të korrupsionit të qeverisë tonë me organizatat kriminale apo politikanë të korruptuar italianë./ CNA