E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Paralajmërimi i Këlliçit/ “Nesër do ‘çjerrim maskën’ e drejtorit më të pasur të Veliajt”

9 Qershor 2024, 22:23, Politikë CNA

Belind Këlliçi. Burimi i fotos: PD

Agjencia e Mbrojtjes së Konsumatorit në Bashkinë e Tiranës, e drejtuar nga Arli Naska, gjobiti avokaten Adriana Kalaja për dëmet që kanë shkaktuar qytetarët gjatë protestës së 3 qershorit kundër kryebashkiakut të kryeqytetit, Erion Veliaj.

Për këtë gjobë ka reaguar drejtuesi politik i PD-së, Belind Këlliçi, i cili ka bërë një paralajmërim për drejtorin e Erion Veliajt.

Këlliçi tha se nesër grupi i ekspertvë të PD-së do të çjerrë maskën e Arli Naskës dhe të kryebashkiakut Veliaj.

Ai nënvizoi faktin se Arli Naska rezulton si më i pasuri ndër drejtorët e Bashkisë së Tiranës.

“Sot jemi para një dite të rëndësishme. Nesër do të protestojmë sërish në orën 11:00 për të protestuar kundër një modeli vjedhje të pahasur më parë.

Në vend që të reflektohej kur 9 drejtorë të bashkisë janë të proceduar, 3 në burg, 6 nën hetim, Agjencia për Mbrojtjen e Konsumatorit e drejtuar nga më i pasuri ndër hajdutët, Arli Naska ka gjobitur AMT-në, konkretisht avokaten e saj Adriana Kalanë me 200 mijë lekë për fasadën e Bashkisë Tiranë, fasadën e hajdutëve nga qytetarët që protestojnë kundër vjedhjes dhe korrupsionit.

Agjencia nuk shqetësohet për vjedhjen e 132 milionë eurove me një incenerator që nuk ekziston, nuk shqetësohet se janë vjedhur 130 milionë euro nga banda ‘5D’, por shqetësohet se Kalaja, opozita kanë protestuar për 10 ditë rresht para Bashkisë.

Nesër do ta marrë përgjigjen edhe kreu i bandës 5D, që qëndorn në zyrë për të vjedhur taksat edhe Arli Naska që njihet si taksidari dhe gjobvënësi më i madh në Bashkinë e Tiranës. U shkarkua nga detyra si drejtor i tatimeve vetëm pak ditë pasi plasi skandali me ‘5D’-në. Do t’ja japë përgjigjen grupi i ekspertvë të PD-së sepse ne do t’i çjerrim maskën çdo hajduti që fshihet në Bashki, kush drejton Tiranën dhe kush vjedh taksat tona”, nënvizoi drejtuesi i PD-së për Tiranën.

Këtë paralajmërim, Këlliçi e bëri në protestën e përnatshme në rrugën "Mustafa Matohiti" të mbështetësve të ish-kryeministrit Sali Berisha./ CNA