E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kur Rama e trajton Veliajn si qen të rrahur

7 Qershor 2024, 18:25, Politikë CNA

Kryeministri Edi Rama dhe kryebashkiaku Erion Veliaj prej vitesh tashmë duket se nuk kanë një raport të mirë mes tyre.

Rama nuk ka mbajtur rezerva, por e ka shprehur disa herë publikisht pakënaqësinë që ka ndaj Veliajt, madje e ka trajtuar edhe si një qen të rrahur keqazi.

Mjafton të kujtojmë vetëm disa raste për të kuptuar mesazhet e drejtpërdrejta që kreu i qeverisë i ka adresuar kryebashkiakut të tij, që tashmë i ka drejtorët në burg.

Rama: Veliaj gaboi, nuk e mbroj
16 Maj, 21:45
Rama neverit Veliajn
2 Maj, 12:55

Në 31 dhjetor të 2018-ës, Rama pranoi publikisht se Veliaj kishte nisur një komplot kundër tij me ish-ministrin e Brendshëm, Fatmir Xhafaj. Asokohe, kreu i qeverisë paralajmëroi kryebashkiakun e tij, në konferencë për mediat, se do të varet në pemë.

“Erion Veliaj mund të dalë në televizor sa të dojë, mund të mbjellë pemë sa të dojë, por një ditë në një nga ato pemë do të varet, do të varet si shembull që në këtë parti grupet armiqësore do vazhdojnë të marrin goditjen e tyre”, u shpreh ai.

Një tjetër rast ku Rama e ka degjeneruar Lalin e bashkisë së zhytur në korrupsion është ai i 27 qershorit 2019, ku gjatë një takimi me qytetarë i kërkoi llogari për Kopshtin Zoologjik.

“Do bëhet Kopshti Zoologjik apo jo? Në çfarë procesi është? E ke premtim të pambajtur Kopshtin Zoologjik”, iu drejtua kryeministri.

Një tjetër ultimatum Rama i dha Veliajt më 2 dhjetor të 2019-ës, për shkallët një pallati në Shkozë, ku kishte shkuar për një vizitë në familjen Lala.

“Bojën, nesër në mëngjes të vish këtu. Unë dal në 5:30 për të vajtur në punë, ti të dalësh në 4:30. Nesër t’i kesh lyer, more vesh? Mora thuaj!”, urdhëroi kryeministri kryebashkiakun.

Rasti i radhës kur kreu i qeverisë turpëroi Veliajn ishte ai me lopën. Më 9 tetor të 2020-ës, Rama detyroi Veliajn të blejë një lopë për një familje në Baldushk, ku kishin shkuar për vizitë.

“Të bëjë Lali si të bëjë, ditën e hënë në mëngjes ta sjellë lopën këtu. O të gjejë atë që ke shitur, ose të gjejë tjetër”, theksoi ai.

Rasti i fundit që po sjellim është në 28 janar të 2021-shit. Kryeministri i dha urdhër të prerë Veliajt që të punonte me 3 turne në lagjen “5 maji” të kryeqytetit, për të rregulluar kanalet.

“Këtu duhet punuar me 3 turne, kjo është taksative. Me tre turne, të vihen prozhektorët”, nënvizoi kreu i qeverisë.

Këto janë vetëm disa nga rastet kur Rama e ka trajtuar Veliajn si një qen të rrahur dhe e ka bërë lolo në sy të të gjithë shqiptarëve, duke i dhënë urdhra të prerë, madje edhe duke e paralajmëruar.

Dhe Veliaj, me bishtin ndër shalë ka ngrënë turpin me bukë. Pavarësisht se do gjë ka qenë publike, kryebashkiaku i drejtorëve hajdutë sërish tenton të sillet sikur nuk ka ndodhur asgjë, por tashmë nuk rri ndryshe veçse kokulur./ CNA