web counter
LEXO PA REKLAMA!

SHKARKO APP

App Store
Google Play

E fundit!

x

Bardhi, akuza SHISH: Është i inkriminuar

6 Qershor 2024, 11:28, Politikë CNA

Kreu i Grupit Parlamentar të PD-së, Gazment Bardhi, u shpreh në seancën e sotme plenare se njeriun e biznesmenit Ergys Agasi, Rama e emëroi drejtues të Shërbimit Informativ Shtetëror dhe sot SHISH është një organizatë shtetërore që i shërben krimit të organizuar.

"Njeriun e Ergys Agasit e emëroi drejtues të Shërbimit Informativ Shtetëror dhe sot SHISH është një organizatë shtetërore që i shërben krimit të organizuar. Pse nuk i thoni ju këto? Që në vend që të luftojë krimin e organizuar, tenton të marrë informacione brenda Prokurorisë së Posaçme. Na keni sjellë këtu vrasës. E kuptoni ku e keni çuar ju shtetin? Nga njëra anë deputetë, zonja të nderuara të të dy krahëve, që kishin në krah vrasës, trafikantë prostitutash, trafikantë droge dhe ne nuk duhet të diskutojmë për këto? A ishte Arben Ndoka këtu, e kishit ju koleg, ulej me ju në mbledhje grupi, seancë plenare, ditën votonte ligje, natën porosiste vrasje. Ne, 'RAI3', 'BILD' e shpiku? Jo, nuk e shpikën këta. A ishte Rrahman Rraja që ditën votonte ligje, natën porosiste vrasje? Ne e thamë këtë, 'RAI3', 'BILD'-i e tha? Jo, janë realitete. Sa më shpejt ta pranoni, sa më shpejt të bëhemi bashkë. Ka edhe nga krahu këtej që janë të ndershëm që e duan Shqipërinë, si të mos luftojmë ne krimin e organizuar, përfshirjen e tij në institucione, pyesni në zonat tuaja për tenderët, pyeteni ju apo krimi i organizuar. Ku janë deputetët e Shkodrës? Vendosin ata se kush do punësohet apo Bajrat? Në Durrës kush vendos deputetët apo bandat? Bandat. Në Elbasan e dini kush vendos? Ju i dini, por nuk reagoni”, tha Bardhi./CNA 





Lajmet e fundit nga