web counter
LEXO PA REKLAMA!

SHKARKO APP

App Store
Google Play

Berisha, thirrje kritikëve/ Jemi në emergjencë ekzistenciale, lini ndasitë

5 Qershor 2024, 20:50, Politikë CNA

Berisha, thirrje kritikëve/ Jemi në emergjencë ekzistenciale,

Ish-kryeministri Sali Berisha ka bërë një thirrje për kritikët gjatë fjalës së tij në tubimin e përnatshëm, në rrugën “Mustafa Matohiti”.

BerIsha ngriti alarmin se Shqipëria ndodhet në një emergjencë ekzistenciale.

Për këtë arsye, ai i kërkoi kritikëve të lënë mënjanë ndasitë dhe të bashkohen kundër qeverisë së Edi Ramës.

“Në 33 vite karrierë politike, kurrë ndonjëherë, një mesazh i imi, nuk ka qenë më emergjent se ky mesazh i sotëm për ju dhe mbarë shqiptarët. Në 33 vite karrierë, kurrë ndonjëherë, një thirrje e imja, nuk ka qenë kaq jetike se kjo që bëj sonte në emër tuaj dhe të PD.

Prandaj fjalët e mia sot shkojnë në çdo rrugë, në çdo shesh, në çdo qytet, në mbarë vendin. Këto fjalë shkojnë për çdo rrugë dhe rrugicë të Shqipërisë. Këto fjalë shkojnë për zemrat e çdo shqiptari. Çdo njeriu, që nën deje ka gjak shqiptari.

Demokratë dhe opozitarë të tjerë. Socialistë dhe pa parti. Këto fjalë u shkojnë partive të mëdha dhe partive të vogla. Shoqërisë civile, emigracionit dhe diasporës. Të rinjve dhe të moshuarve. Nënave dhe baballarëve. Vëllezërve dhe motrave. Por këto fjalë shkojnë edhe për kritikët e Berishës.

Ka momente në histori, që ndasitë duhen lënë mënjanë. Ka momente në histori, që lufta politike eklipsohet nga një emergjencë ekzistenciale. Për çdo popull, vjen një moment në histori kur ndodhet përpara pyetjes: "Të jesh apo të mos jesh?" Ky është ai moment për kombin shqiptar! Dhe sot çdo shqiptar duhet t'i shohë gjërat siç janë”, nënvizoi Berisha./ CNA





Lajmet e fundit nga