web counter
LEXO PA REKLAMA!

SHKARKO APP

App Store
Google Play

E fundit!

x

Kulluri bëhet qesharak/ Sot justifikon Bashën për djegien e mandateve, çfarë thonte dje

4 Qershor 2024, 22:07, Politikë CNA
Kulluri bëhet qesharak/ Sot justifikon Bashën për djegien e
Edvin Kulluri

Edvin Kulluri, një nga ish-kritikët më të mëdhenj të Lulzim Bashës, kaloi ylberin dhe u rendit krah kryetarit të PD-së së vulës, ku mori edhe postin e Sekretarit për Marrëdhëniet me Publikun.

Tashmë, Kulluri del dhe bën avokatin e Lulzim Bashës në media. Të njëjtën gjë ka bërë edhe mbrëmjen e sotme, ku ka mbrojtur Bashën për djegien e mandateve, duke thënë se nuk duhet bërë ky i fundit përgjegjës.

“Në 2017-ën opozita bëri vetëvrasje me listat, me qeverinë e përbashkët dhe këtu besoj se nuk e ka fajin Rama. Rama që ka arritur këtu ka arritur me ndihmën e madhe të opozitës. Në 2019-ën i dhamë të gjithë pushtetin vendor, humbëm mandatet, duke bërë një marrëzi e gjithë Partia Demokratike, pavarësisht se sot ia ngecin Lul Bashës, por janë të gjithë bashkëfajtorë. Është marrë me vendim këshilli, është i vetmi vendim që ka marrë Këshilli Kombëtar. I vetmi vendim që është marrë duke respektuar institucionet është marrëzia e 2019-ës”, është shprehur ai në emisionin “Debat” të Alba Alishanit.

Megjithatë, kjo deklatë bie në kundërshti me ato që Kulluri ka thënë gjatë kohës kur ishte kritik i Bashës.

Në një status të datës 15 shtator të 2019-ës, Kulluri rendiste dështimet e Lulit gjatë drejtimit të PD-së, ku e bënte përgjegjës edhe për djegien e mandateve.

“Pra me pak fjale, ‘demokracia perendimore e Bashes’ ka prodhuar nje parti me nje kryetar qe s'mban asnje pergjegjesi per humbjet dhe deshtimet e renda(cadra, djegia e mandateve, protestat, bllokimi i 30 qershorit), dhe u a shkarkon pergjegjesine kujtdo tjeter!”, theksonte Kulluri mes të tjerash.

Pra, Kulluri që deri dje na bënte si kritik, sot që është sekretar i PD-së së vulës është kthyer në një nga mbështetësit dhe mbrojtësit e Lulit në publik. Ai ka shkuar deri në kufijtë e qesharakes, me deklaratat kontradiktore për Bashën./ CNA

Kulluri bëhet qesharak/ Sot justifikon Bashën për djegien e





Lajmet e fundit nga