web counter
LEXO PA REKLAMA!

SHKARKO APP

App Store
Google Play

E fundit!

x

Sekretari i Bashës, i shqetësuar nga Rama/ Tregon dështimin e Lulit

3 Qershor 2024, 16:32, Politikë CNA
Sekretari i Bashës, i shqetësuar nga Rama/ Tregon dështimin e
Edvin Kulluri

Një nga moralistët dhe ish-kritikët më të mëdhenj të Lulzim Bashës, Edvin Kulluri. kaloi ylberin disa kohë më parë dhe u struk në sqetullën e personit që për vite me radhë e quajti dështak.

Sot Kulluri ka pranuar sërish dështimin e Lulzim Bashës, teksa ka folur për intervistën e kryeministrit Edi Rama në “Rai3” dhe reportazhin për televizionit italian për Shqipërinë.

Sekretari i Bashës quajti kryeministrin njeri me komplekse, ndërsa shprehur shqetësim për mburrjet e këtij të fundit.

“Ajo që ndodh është që pjesa dërrmuese e atyre që thuhen atje ne i dimë. Vendi nuk është në kushte normale nga ana e qeverisjes. Nuk mund të kemi përfshirje të krimit në nivelet e larta qeverisëse, në momentin që ke këtë status ndërkombëtar. Këto që u thanë janë të rënda për publikun italian por jo për ne. Rama dje nuk dha asnjë përgjigje është një njeri që nuk përballet me krizat. Si mund të thotë kryeministri Ben Ahmetaj nuk ia vlen ta dëgjosh, pyll pa derra nuk ka?

Ky është kompleksi i fajit të Ramës, që nuk përballet dot më me të vërtetat e akumuluara në 11 vite. Me këtë emision u rikonfirmuan me zë ato që ne i kemi thënë. Dhe ka shumë më keq se kaq. Ajo që më shqetëson është këmbëngulja e Ramës për të mos mbajtur përgjegjësi, dhe vetëm të mburret me arritje. Krekosesh për 2-3 suksese të kësaj qeverie”, tha ai.

Kulluri sulmoi protestën e paralajmëruar për ditën e enjte para parlamentit, ashtu siç ka sulmuar më parë protestat para Bashkisë së Tiranës për të mbrojtur Erion Veliajn.

Gjithashtu, ai pranoi edhe njëherë se personi që ndjek sot është një dështak, pasi theksoi se nuk arriti asgjë me çadrat para Kryeministrisë.

“Kërkimi i dorëheqjes ha diskutim. Nëse Rama nuk e jep, duhet ta detyrosh nëpërmjet forcës, protestë masive. Opozita në këtë moment që është e ka të pamundur një gjë të tillë. Një qëndrim i tillë radikal kërkon disa kushte. Ne jemi në nisje të punës për të ndërtuar 2025, lidhur me programin dhe gjithë të tjerat. Ende presim një vendim për vulën. Nuk u arrit asgjë as me çadrat, qe e kemi provuar më parë”, tha ai./ CNA





Lajmet e fundit nga