web counter
LEXO PA REKLAMA!

SHKARKO APP

App Store
Google Play

E fundit!

x

Rama sqaron marrëveshjen për emigrantët/ "Kemi marrë dhe oferta të tjera, por Italia është Shqipëria"

2 Qershor 2024, 21:00, Politikë CNA
Rama sqaron marrëveshjen për emigrantët/ "Kemi marrë
Kryeministri Edi Rama

Kryeministri Edi Rama ka sqaruar sërish marrëveshjen me Italinë për emigrantët gjatë intervistës së ka zhvilluar për emisionin “Report” të RAI3.

Sa i përket akuzave se strehimi i emigrantëv është një shkelje e të drejtave themelore të njeriut, Rama tha se kjo nuk është e vërtetë dhe se debate nuk do të bëhej nëse marrëveshja do të kishte ndodhur me një shtet tjetër.

“Kjo është një mënyrë për ta parë gjënë, por ka edhe një mënyrë tjetër për ta parë, sepse gjeografia nuk mund të jetë mallkimi i Italisë, që është lënë e vetme për shumë kohë. Në momente dramatike në kohë është braktisur vërtet në vetminë r saj, sepse, nëse dikush vë këmbë në Itali, vë këmbë në Europë. Pra, nuk është një që mbërrin aty dhe Italisë i duhet ta menaxhojë vetë; është dikush që mbërrin në Europë dhe Europa duhet ta menaxhojë së bashku. Për më tepër, ka një dispozitiv të rëndësishëm të legjislacionit europian, që është rishpërndarja dhe që, qartësisht, nuk ka funksionuar. Në dëm të Italisë. Ndërkohë ne nuk jemi një vend që është pjesë e BE-së, ne jemi pjesë e BE-së, pra jemi vend europian e gjendemi në anën tjetër të detit nga Italia dhe, thjesht, kemi marrë përsipër një përgjegjësi si europianë, në kuptimin që, ju keni nevojë që ne të kontribuojmë e të marrim pjesë. Nëse këtë gjë do ta kishte bërë Sllovakia, Polonia apo kushdo tjetër që është në Bashkimin Europian, asgjë nuk do të ishte thënë, por fakti që Shqipëria nuk është në Bashkimin Europian, ngre gjithë këtë zhurmë dhe, më pas, këtë interpretim, do të thoja subjektiv, të faktit”, u shpreh ai.

Kreu i qeverisë “shigjetoi” opozitën italiane, teksa deklaroi se dhe ajo do të bënte të njejtën gjë nëse zgjidhja do të ishte në dorën e saj.

“Nuk është një temë e politikës së ditës apo interesave zgjedhore, është një çështje shumë e madhe për t’u kthyer në objekt përplasjesh politike. Sepse në fund të fundit, të gjithë, kur vijnë në qeveri, e mendojnë njësoj dhe kërkojnë të bëjnë thuajse të njëjtën gjë. Qoftë e majta apo e djathta, në Itali e kudo, flasin për kontrollin e flukseve, flasin për flukse të paligjshme…

Bëjmë moral kur rrimë aty e shohim të tjerët që iu duhet ta menaxhojnë dhe, pastaj, kur vjen puna për ta menaxhuar vetë bëjmë të njëjtën gjë? Këtu ka nevojë për një tryezë të madhe të përbashkët të të gjithëve, përtej së majtës dhe së djathtës, për të kuptuar, nga njëra anë, që ka një demografi që po ndëshkon një Europë të tërë, të themi, sidomos Europën e vjetër…”, deklaroi Rama.

Kryeministri theksoi se ka pasur edhe oferta nga shtete të tjera, por i ka refuzuar.

“Kemi pasur oferta të tjera por kemi refuzuar, sepse nuk ka kuptim. Italia është Shqipëria dhe Shqipëria është Italia në mënyrën si i shohim gjërat”, nënvizoi Rama./ CNA





Lajmet e fundit nga