web counter
LEXO PA REKLAMA!

SHKARKO APP

App Store
Google Play

Malltezi denoncon: Fekalet derdhen në det, qeveria nuk ndërton impiante

31 Maj 2024, 14:41, Politikë CNA
Malltezi denoncon: Fekalet derdhen në det, qeveria nuk ndërton
Jamarbër Malltezi

Drejtuesi i Departamentit të Mjedisit në Partinë Demokratike, Jamarbër Malltezi, në një deklaratë për mediat denoncoi se situata me ujërat në vend është shumë problematike. 

Ai tha se fekalet derdhen në det dhe se me milionat e hedhura për propagandë mund të ishin ndërtuar të paktën 4 impiante të përpunimit të ujërave të ndotura.

Deklarata e plotë: 

Qeveria e Edi Ramës, shtyllë kryesore ka propagandën, dhe në kalendarin e saj ka futur edhe turizmin.

Me shkrime të paguara dhe pamje të fotoshopuara, qeveria e zhurmës për asgjë gënjen si për 10 milionë turistët, edhe për kushtet që ofron vendi ynë.

Mashtrimi i pacipë publik është zbuluar nga një institucion prestigjioz monitorimi.

Agjencia Europiane e Mjedisit në raportin e publikuar së fundmi për pastërtinë e plazheve në 30 vendet e Bashkimit Europian plus Shqipërinë dhe Zvicrën, tregon se vendi yne jo për nga bukuria, por për nga qeverisja, renditet në fund të klasifikimit. Në plazhet tona ka përmbajtje të Escherichia Coli dhe enterokokët e zorrëve.

Agjencia Europiane e Mjedisit thotë se renditemi TË FUNDIT në Europë për cilësinë e ujërave banjatore. Analizat e plazheve në 119 zona të Shqipërisë tregojnë se veç 41% e ujërave kanë cilësi të shkëlqyer, dhe thuajse 60% jo.

Agjencia Europiane e Mjedisit në raportin e publikuar së fundmi për pastërtinë e plazheve në 30 vendet e Bashkimit Europian plus Shqipërinë dhe Zvicrën, tregon se vendi yne jo për nga bukuria, por për nga qeverisja, renditet në fund të klasifikimit. Në plazhet tona ka përmbajtje të Escherichia Coli dhe enterokokët e zorrëve.

Agjencia Europiane e Mjedisit thotë se renditemi TË FUNDIT në Europë për cilësinë e ujërave banjatore. Analizat e plazheve në 119 zona të Shqipërisë tregojnë se veç 41% e ujërave kanë cilësi të shkëlqyer, dhe thuajse 60% jo.

Zoti i ka dhuruar atdheut tone bukuri të mëdha, por qeveria hajdute vjedh dhe bën propagandë boshe në vend që të investojë në punë.

Partia Demokratike dënon shpenzimet qeveritare të harxhuara me propagandë dhe thekson se me to mund të ishin ndërtuar të paktën edhe 4 impiante të përpunimit të ujërave të ndotura dhe do ishin kryer lidhjet e plota të tubacioneve. Kjo do e nxirrte Shqipërinë nga lista e zeze, jo milionat e derdhura për PR të rrejshëm.

Një qeveri mafioze që i tall qytetarët, i konsideron dele dhe dështimet i vesh me fasadë e i paraqet për arritje, është një bandë që duhet shporrur një ditë e më parë!/CNA 





Lajmet e fundit nga