web counter
LEXO PA REKLAMA!

SHKARKO APP

App Store
Google Play

E fundit!

x

Komisioni anti-SPAK/ Dashnor Sula: Tërhiqni votimin, të raportojnë institucionet e drejtësisë

30 Maj 2024, 10:54, Politikë CNA

Në seancën e sotme plenare, deputeti demokrat Dashnor Sula ka kërkuar nga Kuvendi që të heqin nga rendi i ditës projektvendimin për ngritjen e Komisionit të Posaçëm Antikorrupsion, pra për komisionin anti-SPAK. 

Sula tha se njëherë duhet të raportojnë institucionet e drejtësisë për raportet e vitit 2023, më pas ky projektvendim të futet në rend dite në një seancë tjetër.  

Ai tha se fillimisht duhet të ketë diskutim edhe debat.

"Do t'ju kërkoja që në seancën e sotme në rendin e ditës ku kemi edhe projektvendimin për komisionin Antikorrupsion, arsyeja përse kërkoj të tërhiqet ka të bëjë me raportimin e institucioneve të pavarura, sidomos të sistemit të drejtësisë, të cilat kanë raportuar në Komisionin e Ligjeve dhe një ndër pikat e diskutimit dhe debatit që kishin veçanërisht Dumani, ku tha që në përmbushje të detyrave të lënë rekomandimet e 2023, e kishim të pamundur t’i plotësonim për shkak të mungesës efektive të kohës. Mendoj dhe gjykoj që këto institucione të raportojnë, të kishim debate këtu dhe pastaj ky komision që ju e keni me kaq zemër, nuk besoj se prish punë edhe 2 javë që nuk u luftua korrupsioni", tha Sula./CNA 





Lajmet e fundit nga