web counter
LEXO PA REKLAMA!

SHKARKO APP

App Store
Google Play

E fundit!

x

Dhunimi i avokatit Mëngjesi/ PD: U porosit nga Rama

29 Maj 2024, 12:47, Politikë CNA

Partia Demokratike, nëpërmjet zëdhënëses Floriana Garo, ka dalë me një reagim për dhunën e ushtruar ndaj avokatit të ish-kryeministrit Sali Berisha, Sokol Mëngjesi.

Garo akuzoi kryeministrin Edi Rama si personin që ka urdhëruar sulmin ndaj avokatit, ndërsa e cilësoi dhunimin si një akt kriminal dhe hakmarrje të verbër.

Sipas PD-së, avokati u sulmua për shkak se faktoi me prova dhe dokumente se procesi gjyqësor kundër Berishës është politik.

Dhunimi i avokatit Mëngjesi/ PD: U porosit nga Rama
Zëdhënësja e Partisë Demokratike, Floriana Garo

“Sot në mëngjes, 3 banditë, të urdhëruar nga Edi Rama, kanë sulmuar dhe goditur me leva në kokë në qendër të Tiranës, profesor Sokol Mëngjesin, avokati i mirënjohur i kryetarit të Partisë Demokratike, Sali Berisha.

Ky është një akt kriminal dhe hakmarrje e verbër, primitive e Edi Ramës ndaj profesor Sokol Mëngjesit, sepse ai së bashku me kolegët e tij, faktuan para shqiptarëve me prova dhe dokumente zyrtare të pakundërshtueshme, se procesi gjyqësor kundër kryetarit të Partisë Demokratike është një proces kryekëput politik i bazuar ne një piramidë mashtrimi, siç është çështja e Klubit Sportiv Partizani.

Duke e goditur me banditë, me urdhër të tij direkt profesor Mëngjesin, dhe duke i shkaktuar atij lëndime të renda, Edi Rama dëshmon frikën dhe panikun që përjeton nga aktet e tij politike kriminale.

Ai beson se me dhunë do mund të frikësojë zërin e të vërtetës dhe fshehë krimet e tij politike.

Me këtë rast, në emër të Partisë Demokratike dënoj me ashpërsinë më të madhe këtë akt banditesk kriminal ndaj profesor Sokol Mëngjesit dhe deklaroj sot se, Edi Rama, ai dhe vetëm ai, personalisht do mbahet përgjegjës për këtë akt të shëmtuar kriminal”, theksohet në deklaratë./ CNA





Lajmet e fundit nga