web counter
LEXO PA REKLAMA!

SHKARKO APP

App Store
Google Play

Balla-opozitës: Votoni projektrezolutën, mjaft e valëvitët fotografinë e "non-grata"-s

27 Maj 2024, 14:44, Politikë CNA
Balla-opozitës: Votoni projektrezolutën, mjaft e valëvitët
Taulant Balla

Ministri i Brendshëm, Taulant Balla, u shpreh në fjalën e tij në Kuvend se nuk do të lejohet që në karriget e Kuvendit të ketë politikanë të paprekshëm. 

Ai theksoi se goditjet e forta kundër krimit të organizuar do të intensifikohen çdo ditë.

Ndërkohë përmendi edhe ish-kryeministrin Sali Berisha, ku tha se deputetët e opozitës nuk duhet të valëvitin fotografinë e personit "non-grata".

Ai theksoi se sot jemi në një moment të rëndësishëm të luftës kundër korrupsionit dhe duhet të miratohet rezoluta antikorruspsion.


"'Nuk ka pamje më qesharake për opozitën kur Kuvendi është në një seancë të rrallë për reformat kundër korrupsionit, dhe kur kolegët e opozitës valëvitin fotografinë e shëmtuar të një personi 'non grata' nga Britania dhe SHBA-ja për akte që minojnë demokracinë. I njëjti me atë foto është sot nën akuzë zyrtare për korrupsion. Prandaj dua t'u them sot qytetarëve shqiptarë se jemi në një moment të rëndësishëm në luftën kundër korrupsionit. Rezultatet deri tani janë vetëm fillimi në revanshin ndaj korrupsionit. Në karriget e kësaj salle nuk mund të ketë politikanë të paprekshëm dhe as të fortë lagjesh mbi ligjin dhe qytetarët. Goditjet e forta kundër krimit të organizuar do të intensifikohen çdo ditë. Do të çmontojmë grupe të përfshira në ngjarje kriminale. Në vitin 2023 ulëm nivelin e kriminalitetit. Duhet të vazhdojë procesi i vetëpastrimit në Policinë e Shtetit", u shpreh Balla./CNA 





Lajmet e fundit nga