web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ramës/ Shkove në Itali si padrinoja i Arben Ndokës, Xhelal Rrajës dhe Durim Bamit

26 Maj 2024, 21:28, Politikë CNA

Kryetari i Partisë Demokratike, Sali Berisha gjatë fjalës në tubimin e përnatshëm, ka vlerësuar protestën e sotme të aktivistëve të rinj në takimin e Edi Ramës në Milano, të cilët kërkuan votën e diasporës në zgjedhjet e 2025-sës.

Berisha akuzoi kryeministrin Edi Rama se në takimin e tij të sotëm në Milano, shkoi si shpopulluesi më i madh i Shqipërisë dhe si padrino i Arben Ndokës, Xhelal Rrajës, Durim Bamit.

Sipas tij, kryeministri shkoi në Itali për të sulmuar Greqinë, me mentalitetet enveriste të turpshme, të ndryshkuara, jashtë kohe.

“Edi Rama në Itali shkoi si përfaqësuesi i narkoshtetit të parë dhe të vetëm në Europë. Ai ishte sot në Itali, si padrinoja i Arben Ndokës, Xhelal Rrajës, Pëllumb Gjokës, Behar Bajrit, i Durim Bamit, Emiliano Shullazit e Avdylve’ Troplinve dhe Gentian Xhixhes, e Luftim Hysës së sinaloas në Meksikë.

Ai ishte sot në Milano si turisti i Arubës, si pasagjeri që në dy vite ka kryer me avion e tij 141 udhëtime dhe që ka transportuar qindra e qindra baule diplomatike, brendia e të cilave shumë shpejt se do të dalë.

Edi Rama në Itali shkove si hajduti më i madh i popullit tënd, që ka shkelu ndonjëherë atë tokë. Në Milano shkove si armiku më i egër i kombit tënd, shkove si mashtruesi me ordiner që ka shkelur në gadishullin e Apenineve, shkove si delinkuent i arrestuar në aeroportet e atij vendi dhe të vendeve të tjera.

Edi Rama, në Itali shkove si Pashiqi i shqiptarëve, si Çubrilloviçi shqipfolës që sipas Eurostarit dhe jo sipas opozitës o mashtrues ordiner, në 10 vjet ke larguar nga Shqipëria 1.1 milion shqiptare dhe po sipas Eurostatit, ke renditur Shqipërinë të dytën në bote pas Sirisë për largimin prej saj të të rinjve nën 18 vjeç”, theksoi Berisha./ CNA





Lajmet e fundit nga