web counter
LEXO PA REKLAMA!

SHKARKO APP

App Store
Google Play

Rama, në Himarë: Çështja e pronave është shfrytëzuar për interesa politike

24 Maj 2024, 14:23, Politikë CNA
Rama, në Himarë: Çështja e pronave është
Edi Rama

Kryeministri Edi Rama shpërndau këtë të premte në Himarë 437 tituj pronësie për të gjitha shtëpitë e trashëguara në zonat kadastrale me probleme kronike. 

Në fjalën e tij, Rama tha se çështja e pronave në Himarë është shfrytëzuar për interesa politike.

"Është folur shumë dhe është abuzuar shumë duke e treguar këtë çështje si një çështje që lidhet thjesht dhe vetëm me Himarën, madje ky abuzim është shfrytëzuar në mënyrë shumë djallëzore nga ata që nuk kanë asnjë qëllim tjetër, përveç shfrytëzimit të shqetësimit legjitim të banorëve, për të çuar përpara interesat e tyre shumë të ngushta politike. Interesa të ngushta politike që nuk kanë asnjë lidhje as me përmbajtjen e marrëdhënieve tona me fqinjët”, u shpreh ai. 

Më tej ai theksoi se si kryeministër do të bëjë të pamundurën që banorët në Himarë, por edhe në çdo zonë të Shqipërisë, të gëzojnë pronën e tyre ose të lënë trashëgim nga të parët e tyre.

“Shtëpitë e të parëve që nuk kanë marrë certifikata ende, por jo për ndonjë fakt apo plan të ndonjërit për t'ua marrë shtëpitë e për të ndërtuar. Edhe në Theth çmimet rriten, hotelet janë plot. Pra është një problem që nuk ka të bëjë fare me broçkullat propagandistike që ju kanë mbushur kokën. Nuk dimë ne fare jo kështu jo ashtu", u shpreh ai. 

Mes batutash, kreu i qeverisë Edi Rama teksa ndau certifikatat e pronësisë, u dha edhe një këshillë banorëve të Himarës.

“Aplikoni për të marrë pronat! Bëjeni si duhet do t'ju ndihmojmë, por me llafe rruge e pa aplikime nuk ecim. 4 mijë certifikatat e shtëpive të trashëguara do jepen brenda këtij viti. Prefektura është adresa për çdo lloj problemi që keni. Vajtët te kadastra, ju nxorën problem, shkoni te Vangjeli. Nëse do zgjidhje shkoni te Vangjel Tavo, nëse do sherr shko te Vangjel Dule”./CNA 

 





Lajmet e fundit nga