web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta për Srebrenicën/ Debatet në OKB mes Vuçiç dhe përfaqësueses gjermane

23 Maj 2024, 20:52, Politikë CNA
Rezoluta për Srebrenicën/ Debatet në OKB mes Vuçiç
Presidenti i Serbisë, Aleksandër Vuçiç

Asambleja e Përgjithshme e OKB-së miratoi rezolutën që shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë.

Rezoluta kaloi me 84 vota pro. Kundër 19, ndërsa abstenime 68. Para votimit pati dëbate mes të pranishmëve.

"Rezoluta nuk është e drejtuar kundër askujt. As kundër Serbisë - anëtare e vlefshme e kësaj organizate. Ajo shënjestron vetëm autorët e gjenocidit", tha në hapje të debatit ambasadorja e Gjermanisë në OKB, Antje Leendertse, vendi i së cilës e bashkëhartoi tekstin e rezolutës.

Në adresimin e tij, presidenti i Serbisë, Aleksandër Vuçiç, tha se bëhet fjalë për një "rezolutë shumë të politizuar" që "nuk do t'i kontribuojë pajtimit as në Bosnje e Hercegovinë, as në rajon", ndërsa paraljmëroi se Serbia do të hakmerret diplmatitikisht.

Vuçiç deklaroi se një Rezolutë e tillë s’flet për individët që kanë kryer krime në Srebrenicë, por flet “në përgjithësi”. Ai i është drejtuar me ton të vrazhdë përfaqësueses së Gjermanisë, duke e pyetur se pse sipas tij e kanë “përgatitur fshehur Rezolutën”

Pas rezultateve të votimit për rezolutën për Srebrenicën, presidenti serb Aleksandar Vuçiç u pa teksa kishte hedhur mbi supe flamurin serb.

Rezoluta, ndër të tjera, bën thirrje edhe për “dënimin pa rezerva të çdo mohimi të gjenocidit në Srebrenicë, si dhe të veprimeve që i madhërojnë të dënuarit për krime lufte, përfshirë edhe ata që janë përgjegjës për gjenocidin”.

Rezolutat e Asamblesë së Përgjithshme nuk janë ligjërisht detyruese.

Ndryshe nga rezolutat e Këshillit të Sigurimit të OKB-së, ato më së shpeshti "u bëjnë thirrje" shteteve anëtare që të veprojnë./ CNA





Lajmet e fundit nga