web counter
LEXO PA REKLAMA!

SHKARKO APP

App Store
Google Play

Berisha nuk përmbahet/ “Kërcënon” Altin Dumanin

22 Maj 2024, 21:27, Politikë CNA
Berisha nuk përmbahet/ “Kërcënon” Altin Dumanin
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka sulmuar sërish këtë të mërkurë kreun e SPAK-ut, Altin Dumani, teksa komentoi raportin e tij në Komisionin e Ligjeve.

Berisha përdori disa etiketime për Dumanin si faqezi, bandit, skllav dhe peng.

“Ky faqezi që nuk ka nder, që nuk ka dinjitet, që rri në post në kundërshtim flagrant me Kushtetutën, rri në post i pavotuar sipas Kushtetutës.

Krenohet, shpërblehet se propozon t’i ndalohet komunikimi kryetarit të PD me një akt që ekziston vetëm në vullnetin e xhelatit, e birit të xhelatit Kristaq Ramës, Edi Rama.

Shqiptarët panë fytyrën e tij, shqiptarët mësuan se ky bandit prokuror që nuk njeh ligj as Kushtetutë për të zbatuar urdhra si skllav, peng i marrë, bashkë me Krajën, xhelatin e Sigurimit të Shtetit dhe simotrën biologjike të Taulant Ballës, Melonain, nuk kanë ligj as moral, të aftë për të zbatuar çdo urdhër. Por, gjithçka po del në dritën e diellit”, u shpreh ai.

Kreu i PD-së nuk u përmbajt, por shpërtheu deri në “kërcënime” ndaj drejtuesit të SPAK-ut.

“Erion Veliaj, jep dorëheqjen o turpi i botës. Jep dorëheqjen o hajdut i shpërfytyruar. Po nuk ka Duman që të mbron ty o i zi. U garantoj se ty dhe Dumanin tënd do u hedhim në koshin e plehrave të historisë, aty ku e keni vendin.

Do u varim në shtyllën e turpit, të krimit, korrupsionit, vjedhjes dhe pafytyrësisë. Sërish, ne do rivendosim betejën më të egër kundër korrupsionit, ne do të vendosim tolerancën zero ndaj tij. Tolerancën zero ndaj mafies”, theksoi Berisha./ CNA





Lajmet e fundit nga