web counter
LEXO PA REKLAMA!

SHKARKO APP

App Store
Google Play

E fundit!

x

Miratohet me votat e PS-së rezoluta antikorrupsion, të hënën në Kuvend

23 Maj 2024, 13:18, Politikë CNA
Miratohet me votat e PS-së rezoluta antikorrupsion, të hënën
Konferenca e Kryetarëve

Më 9 vota të mazhorancës është miratuar projektrezoluta “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”.

Pritet që projektrezoluta të kalojë të hënën në seancën plenare.

Ka qenë kreu i Grupit Parlamentar të PS, Bledi Çuçi, ai që propozoi datën 27 maj që projektrezoluta të shqyrtohej në Kuvend. 

Duke iu përgjigjur Jorida Tabakut, kryetari i Grupit Parlamentar të PS-së tha se është i domosdoshëm miratimi i rezolutës dhe ngritja e Komisionit të Posaçëm.

Çuçi theksoi se s'ka mbivendosje me kompetencat e asnjë komisioni tjetër dhe as me punën e Këshillit Kombëtar të Integrimit. 

"Nuk mund ta bëjë qeveria këtë gjë prandaj po marrim një iniciativë të tillë në Parlament. Qeveria është një nga institucionet që do të raportojë për mirëqeverisjen dhe luftën kundër korrupsionit. S'ka asnjë merak për mbivendosje kompetencash nga Këshilli i Integrimit Evropian apo komisionet e tjera. Procesi Screenig është burimi kryesor që na çon në marrjen e kësaj iniciative duke e shpallur prioritet luftën kundër korrupsionit dhe mirëqeverisjen. Pa diskutim që mazhoranca ka barrën kryesore sepse i është deleguar sovraniteti nga qytetarët, por ne kemi kërkuar gjithëpërfshirje në Parlament për ta udhëhequr këtë iniciativë", u shpreh ai.

Pas miratimit të rezolutës antikorrupsion, pritet që të miratohet edhe komisioni anti-SPAK, i denoncuar pak muaj më parë nga CNA, i cili do të drejtohet nga Fatmir Xhafaj. Ky komision ka për synim të kontrollojë punën e SPAK-ut./CNA 





Lajmet e fundit nga