web counter
LEXO PA REKLAMA!

SHKARKO APP

App Store
Google Play

E fundit!

x

Kreu i PD-së, kontradiktor për Dumanin/ Justifikohet Berisha

22 Maj 2024, 21:37, Politikë CNA
Kreu i PD-së, kontradiktor për Dumanin/ Justifikohet Berisha
Ish-kryeministri Sali Berisha 

Ish-kryeministri Sali Berisha është treguar kontradiktor me qëndrimet e tij për kreun e SPAK-ut, Altin Dumani.

Ndonëse tashmë e sulmon, në vitin 2008 e vendosi në krye të Task Forcës që ngriti për të luftuar korrupsionin dhe për këtë pati mbështetjen e amerikanëve.

Madje në një dalje të tijën më 19 dhjetor të vitit 2017, Berisha fliste me superlativa për Dumanin dhe e cilësonte si kampion botëror në luftën ndaj korrupsionit.

Mbrëmjen e sotme, ai është justifikuar për qëndrimet e tij kontradiktore gjatë fjalës në protestën që zhvillohet çdo natë nga mbështetësit e tij në rrugën “Mustafa Matohiti”.

“Shqiptarët duhet ta dinë se ky Altin Faqeziu i partisë ka dërguar në një vit, në vitin 2023, gjithsej 38 dosje për korrupsion kundrejt 154 dosjeve që ka dërguar kur kryesonte task-forcën. Kjo pra miq është metamorfoza e një faqeziu që shet nder dhe dinjitet.Që nuk ka ligj as Kushtetutë. Dhe që fsheh dosje krimi dhe korrupsioni dhe që tallet me një popull.

Në një vend ku korrupsioni është shndërruar në sistem të tmerrshëm, dërgon gjithsej në vit 38 dosje. Qytetarë dhe qytetare, mos u mashtroni se ai është armiku juaj. Sepse ju vërtet shikoni se ai arreston drejtorë me urdhër të Edi Ramës, lëshon fletëarresti për ministra, por duhet ta mbani mend mirë se në vitet 2005-2013 me ligj asnjë ministër, as kryeministri, nuk mund kurrë të merreshin me prokurime publike.

Ligji ishte i prerë sa ç’duhet të ishte. Ndaj dhe Edi Rama nga 2013-a gjer sot nuk ka lënë kontratë pa shqyrtuar. Nuk ka lënë tender pa analizuar, vendim pa shqyrtuar me bandat e tij dhe ka gjetur zero, zero, zero tek ministrat.

Miqtë e mi, ua thashë këtë për të mos mashtruar qytetarët. Por nuk them se nuk kishte korrupsion. Sigurisht kishte, por kishte gërshërë të forta ligji kundër tij. Ato që përmenda më sipër, Dumani e dinte se duhej të bënte detyrën.

Ai ishte në një ekip në të cilin merrnin pjesë përfaqësuesit e doganave, tatimeve, shërbimit informativ, policisë kriminale. Dhe Damani i partisë e dinte se të gjithë ata sy ishin te ligji se përndryshe fluturonte brenda 24 orësh aty ku duhej ta kishte vendin.

U thashë atyre të cilët citojnë deklaratat e mi. Nuk ia mohoj kujt punën, askërkujt. Por u them se ai njeri, me atë ekip, me një të pestën e shpenzimeve të sotme, regjistroi 1414 çështje penale për korrupsion. Kurse sot me pesë herë më shumë shpenzime, sot del peng i shpifur që nuk ka nder dhe dinjitet dhe duhej të ishte larguar me kohë nga detyra”, theksoi Berisha./ CNA





Lajmet e fundit nga