web counter
LEXO PA REKLAMA!

SHKARKO APP

App Store
Google Play

E fundit!

x

Berisha shthur gojën, akuza dhe ofendime të rënda ndaj Dumanit

23 Maj 2024, 21:01, Politikë CNA
Berisha shthur gojën, akuza dhe ofendime të rënda ndaj Dumanit
Ish-kryeministri Sali Berisha

Ish-kryeministri Sali Berisha ka shthurur gojën dhe ka “shpërthyer” në akuza dhe ofendime të rënda ndaj kreut të SPAK-ut.

Teksa ditët e fundit ka hedhur sulme të njëpasnjëshme, sot Berisha u tregua edhe më ashpër dhe e quajti Dumanin kryehorr, kriminel dhe mercenar.

Kreu i PD-së akuzoi Dumanin se do që të ndryshojë Kushtetutën për të shpëtuar veten e tij.

“Të dashur miq, me aktin makabër të kryehorrit të historisë së akuzës shqiptare, Altin Dumani, u godit përfundimisht çdo shpresë, çdo mundësi për të vendosur para ligjit kriminelët elektoralë.

Miq, njoftimi që ai u bëri familjeve mafioze armike për jetë dhe vdekje të votës së lirë të shqiptarëve, ky kriminel, ky mercenar u tha shqiptarëve se ju kot votoni. Sepse hanxharët e krimit prapë do ju numërojnë ju votat. Pushteti i krimit sërish do sundojë mbi ju.

Ju e patë vetë mercenarin që shëtit nga një zyrë në tjetër me kërkesën e vetme të ndryshojmë Kushtetutën për prapanicën e tij. Po rri aty mor horr se do japësh llogari për të gjitha këto që bën dhe nuk ka gjë në botë që të shpëton ty. Dashke të ndryshojmë Kushtetutën për ty!

Berisha shthur gojën, akuza dhe ofendime të rënda ndaj Dumanit
Altin Dumani

A e dëgjonit miq, a e shihnit dje ekipin e kriminelëve, të hajdutëve se si ulnin kokën dhe betoheshin të ndryshonin Kushtetutën për menderen e mercenarit Altin Zamani. Lajmërimi i bosëve më kryesorë që shkelmuan dhe dhunuan votën e shqiptarëve në tërë Shqipërinë e mesme, përbën amnistinë më kriminale të Edi Ramës dhe Altin Dumanit”, u shpreh ai.

Berisha sulmoi kreun e SPAK-ut edhe për operacionin e fundit të këtij institucioni me 50 urdhër-arreste, pasi pretendon se ka fshehur me qindra biseda të grupeve kriminale me kryeministrin Edi Rama.

Ish-kryeministri deklaroi se PD do të ngrejë dosje ndërkombëtare kundër Ramës dhe Altin Dumanit.

“Shikoni mo çfarë bën, nisi xhelatët e votës, i nisi në Dubai, i nisi nëpër botë dhe rrihte gjoksin se lëshova fletë-arrestin. O faqezi, nuk do të falet kurrë ky akt që bëre. PD do të ngrejë dosje ndërkombëtare kundër Edi Ramës dhe Altin Zamanit. E morët vesh, e lexuat besoj dëshminë tronditëse të një njeriu që i kushtoi jetën betejës kundër krimit. Të një prokurori që guxoi të kërkojë arrestimin e Saimir Habilit, trafikantit. Çfarë dëshmoi ai dje për publikun në një akt ndërgjegje të lartë qytetare dhe guximi të lartë qytetar?

Ai i tha publikut se nga viti 2014 e në vazhdim, këto familje të urryera mafioze, vrasësish, përdhunuesish, pengmarrësish, ishin në hetim, ishin në regjistrime që komunikonin me nivelet më të larta të politikës, me Edi Ramën, me kryekriminelin.

Nivelet më të larta të politikës, dhe Altin Dumani, Altin Zamani, ky njeri i pafytyrë që ka vetëm një preokupim, ndryshimin e Kushtetutës për prapanicën e tij. Jo, jo, do të shkosh atje ku e ke vendin se je kriminel se çdo kriminel kur fsheh krimet elektorale. Kur fsheh krimet monstruoze. Kur fsheh lidhjet e tmerrshme të krimit me politikën!

Miqtë e mi, pra del se me qindra biseda të Arben Ndokës, Rrajave, Shullazit, etj me Edi Ramën dhe suitën e tij u fshehën nga mercenarët e Skapit. Dhe duke qenë të detyruar nga nga shërbimet ligjzbatuese të vendeve anëtare të BE, që kanë dorëzuar transkriptet e bisedave në Encrochat, me të cilin Taulant Balla mbante dy ose tre telefona të kriptuar.

Edi Rama jo më pak. Në të cilat figuronin udhëtimet e Edi Ramës në skajet më të larta të dheut në takime me bosët e krimit. Ato kujton Zamani se do i varrosë dot”, theksoi më tej Berisha./ CNA





Lajmet e fundit nga