web counter
LEXO PA REKLAMA!

SHKARKO APP

App Store
Google Play

Video - Berisha: Dumani, kampion botëror në luftën ndaj korrupsionit

20 Maj 2024, 19:52, Politikë CNA
Video - Berisha: Dumani, kampion botëror në luftën ndaj
Fotomontazh - Altin Dumani dhe Sali Berisha

Ish-kryeministri Sali Berisha e ka cilësuar kreun e SPAK-ut, Altin Dumani si kampion botëror në luftën ndaj krimit dhe korrupsionit të organizuar.

Këtë vlerësim Berisha e ka bërë në 19 dhjetor të vitit 2017, në një dalje të tij në emisionin “360 Gradë” të gazetarit Artur Zheji.

Asokohe kreu i PD-së jepte vlerësime maksimale dhe fliste superlativa ndaj Altin Dumanit, të cilin në vitin 2008 e vendosi në krye të Task Forcës që ngriti për të luftuar korrupsionin, dhe për këtë pati mbështetjen e amerikanëve.

Berisha theksonte se Dumani ishte një luftëtar të korrupsionit, që krijoi një shembull botëror dhe një kapitull të ri në drejtësi.

Ai nënvizonte se Dumani ishte përballur me presion të jashtëzakonshëm nga Edi Rama dhe kundërshtarët e tij.

“Kush e hoqi prokurorin që po luftonte korrupsionin? Kush e hoqi? Me të cilin Shqipëria..., për atë luftë që i bëri korrupsionit, Shqipëria u bë shembull botëror dhe janë dokumentet për kapitullin që shënoi. I bëri presion të jashtëzakonshëm Edi Rama dhe kundërshtarët e Sali Berishës. Ai nuk i rezistoi dot dhe tha, unë largohem. Ishte prokurori i Task-Forcës, kryeprokurori i Task-Focës, Dumani”, deklaronte Berisha në daljen e tij në 2017-ën./ CNA





Lajmet e fundit nga