E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Denoncimi/ Bashkia Tiranë dhe UKT-ja i japin 34 milionë euro anëtarit të shtabit elektoral të Veliajt

20 Maj 2024, 09:38, Politikë CNA

Denoncimi/ Bashkia Tiranë dhe UKT-ja i japin 34 milionë euro

Nënkryetari i Këshillit Bashkiak Tiranë, Dorian Teliti, ka folur për aferën në Bashkinë e Tiranës duke u shprehur se pushteti po gllabëron çdo qindarkë dhe pronën private të shqiptarëve.

Teliti shprehet se Bashkia e Tiranës dhe UKT i kanë dhënë 34 milionë euro njërit prej anëtarëve kryesorë të shtabit të Erion Veliajt në zgjedhjet e 2023-shit, atij që ishte përgjegjës për zonën e Zall Herrit dhe që i solli me krenari rilindëse rezultatin e votave të vjedhura Erion Veliajt, duke tjetërsuar vullnetin e qytetarëve.

Sipas Telitit, ata që vjedhin pronën, vullnetin e qytetarëve duhet të ndëshkohen.

“Sapo patë një tjetër provë të shkeljes së hapur të ligjit, sapo patë një tjetër provë se si pushteti gllabëron çdo qindarkë dhe pronën private të shqiptarëve, sapo patë një tjetër provë që për Erion Veliajn, Edi Ramën dhe të gjithë enturazhin e tyre të bësh pushtet do të thotë të bësh biznes pasi janë 34 milionë euro të dhëna nga Bashkia e Tiranës dhe UKT-ja ndaj njërit prej anëtarëve kryesorë të shtabit të Erion Veliajt në zgjedhjet e 2023-shit, atij që ishte përgjegjës për zonën e Zall Herrit dhe që i solli me krenari rilindëse rezultatin e votave të vjedhura Erion Veliajt duke tjetërsuar vullnetin e qytetarëve, këta që tjetërsojnë vullnetin, pronën, paratë e taksapaguesve meritojnë ndëshkimin ligjor dhe përballjen me drejtësinë. Për ne qytetarët e ndershëm vlen ligji dhe për ata vlen vetëm ‘Maliqi’. ‘Maliqi’ që i pasuron nga njerëz që janë askushi dhe një ditë e shohin veten miliardera të marra padrejtësisht dhe në shkelje të hapur të procedurave.

Kjo nuk është Tirana që ne duam. Nga Shqipëria duhet të largohen ata që janë uzurpatorë, që janë mashtrues, që janë kriminelë, që janë hajdutë dhe ne qytetarët e ndershëm duhet të rezistojmë siç kemi bërë këto 4 muaj dhe do të vazdojmë të jemi në krah të këtij burri që është i vetmi i burgosur politik i vitit 2024 në Evropën e zhvilluar dhe mbahet brenda pa pasur asnjë provë.

Mjaft me burgosje politike, por të shkojnë drejt burgosjes së atyre që kanë vjedhur dhe vjedhin paratë dhe të ardhmen e taksapaguesve shqiptarë. Të qëndrojmë të gjithë së bashku për të bërë ndryshimin e madh”, ka deklaruar Teliti./ CNA