web counter
LEXO PA REKLAMA!

SHKARKO APP

App Store
Google Play

“Ballkani të mos bllokojë vetveten”, Rama thirrje BE-së: Dëshirojmë të shihemi si shtete anëtare

16 Maj 2024, 10:18, Politikë CNA

Kryeministri Edi Rama në fjalën e tij në samitin BE-Ballkani Perëndimor që po zhvillohet në Kotor të Malit të Zi u shpreh se jemi gati për t'u bërë pjesë e tregut evropian. 

Ai kërkoi që BE-ja të garantojë kreditë, si ndihmë për vendet e Ballkanit Perëndimor. Sipas Ramës, Ballkani nuk duhet të bllokojë vetveten.

"Shtiremi si vende evropiane dhe bllokojmë veten. Duhet të lëmë çështjet dypalëshe jashtë hapësirës së BE-së. Jemi gati për t’u bërë pjesë e tregut evropian. Na garantoni kreditë dhe do të na keni përjetë pjesë. Do t'i qëndrojmë besnikë Ballkanit Evropian. Duhet të bindim BE-në për kreditë. Duhet ta bëjmë pjesëmarrjen tonë, në politikën e sigurisë më domethënës. Duhet të jemi pjesë e instrumenteve që kanë të bëjnë me sigurinë kibernetike. Do vazhdojmë bashkëpunimin rajonal dhe zotohemi për këtë, për Shqipërinë, nuk është e kaluara që duhet ta kontrollojë të ardhmen, por e ardhmja duhet ta kontrollojë të kaluarën”, tha Rama.

Kreu i qeverisë shqiptare shtoi më tej se dëshirojmë të shihemi si shtete anëtare. 

"Ne duhet t’i lëmë politikat dhe çështjet bilaterale, jashtë kësaj gjendjeje. Nëse bëjmë çdo gjë në mënyrë evropiane kjo do ta lehtësojë atmosferën, në mënyrë që të gjithë të merreshin me çështjet bilaterale”, tha ai./CNA 





Lajmet e fundit nga