web counter
LEXO PA REKLAMA!

SHKARKO APP

App Store
Google Play

E fundit!

x

Lexoni këta rreshta/ A është Fatmir Xhafaj, “ushtari Shvejk” i Veliajt?

14 Maj 2024, 10:09, Politikë CNA

Këta rreshta për Shvejkun më poshtë, janë ndërtuar nga “The ECONOMIST”, pak pasi plasi lufta e Rusisë me Ukrainën, si rekomandim për ushtarët rusë që ta lexonin librin dhe të kuptonin se ku po shkonin.

Në fakt këta rreshta na tregojnë një realitet të dhimbshëm shqiptar të këtyre javëve.

Jozef Shvejk i thotë me krenari oficerit të tij epror: “Zoti kolonel, unë raportoj para jush me përkushtim, sepse jam një idiot!” Ai ishte përjashtuar njëherë nga ushtria austro-hungareze për shkak të të qenit budalla. Që atëherë e siguronte bukën e gojës në Pragë duke shitur qen të vjedhur.

Në rast se do ta shikonim te politika, Fatmir Xhafaj do të ishte Shvejku më i famshëm i politikës për momentin.

Lexoni këta rreshta/ A është Fatmir Xhafaj, “ushtari
Fatmir Xhafaj

P.sh. Shvejku shkonte përpara kolonelit, Fatmir Xhafaj raporton përpara Veliajt, atë njeh kolonel. Nuk ka faj apo ndoshta e ngatërron si Shvejk arkidukën Ferdinand.

Kur dëgjoi lajmin e vrasjes së Franc Ferdinandit, Shvejku e ngatërroi në fillim arkidukën me një tjetër Ferdinand që merrej me pastrimin e rrugëve nga jashtëqitja e qenve. Në luftën që pasoi Shvejku thirret sërish nën armë për t’i shërbyer perandorisë.

“Aventurat fatale të ushtarit të mirë Shvejk gjatë Luftës Botërore” (i njohur më shumë si “Ushtari i mirë Shvejk”) përshkruajnë rrugëtimin e budallait të vetëshpallur për në frontin e luftës.

Lexoni këta rreshta/ A është Fatmir Xhafaj, “ushtari
Jozef Shvejk

Shvejku është një shejtan-budalla që lëviz sa andej-këtej duke iu bindur padronëve të ndryshëm. Ai zbaton verbërisht urdhrat që i jepen. I thuhet të kujdeset për çdo dëshirë të bashkëshortes së togerit, dhe Shvejku bën çfarë të dojë kjo e fundit, madje edhe fle me të.

Kur urdhërohet t’i gjejë togerit një qen, ai i vjedh atë një koloneli. Për ta ndëshkuar, ky i fundit dërgoi front të gjithë batalionin ku bënte pjesë Shvejku.

Njëherë i përjashtuar nga lufta, ndërsa Xhafaj i hequr si ministër, jo se ka përshkrimet e Shvejkut, por për shkak të vëllait të tij, i cili ishte dënuar në Itali për aktivitet kriminal.

A nuk i ka shërbyer sa Ramës, sa amerikanëve dhe tani Veliajt, deputeti Xhafaj? Në fillim me amerikanët për Reformën në Drejtësi, tani kundër amerikanëve duke dashur të vendosë nën kontroll SPAK-un. Duan reformë, bënë reformë, duan antireformë, bënë antireformë në emër të reformës së suksesshme.

Gjithsesi, Shvejku arrin të hidhet nga treni që po udhëtonte në frontin lindor në provincën austro-hungareze të Galicisë.

Vazhdon të ecë në këmbë, por të vetët e ngatërrojnë për një dezertor rus, dhe mezi i shpëton togës së pushkatimit. Ai i ribashkohet batalionit, dhe romani përfundon para se Shvejku të përjetojë luftimet në front.

Lexoni këta rreshta/ A është Fatmir Xhafaj, “ushtari
Fatmir Xhafaj

Por nëse kjo do të ishte e saktë, Shvejku do të ishte thjesht një idiot. Në fakt ai është një mjeshtër i mashtrimit, një njeri i vockël që e mban veten jashtë luftës së regjimit, thjesht duke ndjekur urdhrat. Vetë jeta e Hashek ishte thuajse po aq kaotike sa ajo e personazhit të tij.

Fatmir Xhafaj nuk është thjesht një idiot, gjithçka që vepron e ka me qëllim të caktuar dhe finale të mirëmenduar. Vetëm se në këtë rastin e fundit po kthehet në një “Shvejk” të Erion Veliajt./ CNA





Lajmet e fundit nga