web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama në Athinë, për të vjedhjet dhe bëmat e narkoshtetit

12 Maj 2024, 21:15, Politikë CNA
Berisha: Rama në Athinë, për të vjedhjet dhe bëmat e
Kreu i Partisë Demokratike, Sali Berisha

Kreu i Partisë Demokratike, Sali Berisha komentoi takimin e kryeministrit Edi Rama në Athinë më emigrantë shqiptarë.

Në fjalimin e tij para pritestuesve te Rruga e Shpresës, Berisha tha se shqiptarët në Athinë i rezervuan përshëndetjen që meriton armiku i tyre, duke mos e përshëndetur dhe falenderuar.

Ai pretendon se qëllimet e vizitës së Ramës në Athinë ishin për të mbjellë sherre, për të mbuluar vjedhjet dhe bëmat e qeverisë.

“Emigracioni ynë në Greqi dhe kudo e dinë se Edi Rama është Pashiqi i Tiranës, është Çubrilloviqi shqipfolës, është njeriu që Shqipërinë tokë e bekuar e zbrazi në 10 vite më shumë se çdo luftë civile, se çdo luftë lokale, se çdo luftë botërore ka zbrazur një vend.

Edi Rama nuk të përshëndetën ata, të refuzuan, se bënin mëkat para kombit. Refuzuan se mbrojtën dinjitetin e kombit të tyrë, të nënës së tyre, Shqipëri. Edi Rama nuk kanë harruar dhe nuk harrojnë ata se si morën malet për tu larguar nga Shqipëria gjatë sundimit tënd, se si ti në një krim të mirëfilltë kundër njerëzimit, i le vëllezërit dhe motrat tona gjatë koviditi, 4 ditë e net në acarin e dimrit, në Devoll, në tokën e askujt dhe nuk i lejoje të futeshin në Shqipëri, o katil.

U kërkove ti të falur atyre, o i pashpirt se atë që bëre ti nuk e bën kurrë një njeri human. I le vetëm e vetëm për të ushtruar terror mbi popullin tënd, me diktaturën e re të kovidit. Edi Rama nuk doli një njeri të të bëjë përshëndetjen më të vogël. Një refuzim të tillë nuk mban mend historia.

Të gjithë e dinin se ti shkoje për sherr aty, ti shkoje për të mbjellë sherre për të mbuluar vjedhjet tuaja, të mbulosh bëmat dhe gjëmat e narkoshtetit tënd. Harrove ti se ke vendosur në Shqipëri narkoshtetin, se ke rrënuar votën e lirë, se ke bllokuar rotacionin, se do të shkatërrosh pluralizmin, se mban në arrest politik kundërshtarët e tu.  Se për pronat e Olta Xhaçkës dhe Olsi Ramës u vë kazmën marrëdhënieve me fqinjin shekullor”, theksoi kreu i PD-së./ CNA





Lajmet e fundit nga