web counter
LEXO PA REKLAMA!

SHKARKO APP

App Store
Google Play

E fundit!

x

Fantazi nacionaliste dhe fushatë elektorale/ Çfarë thonë mediat greke për takimin e Ramës

12 Maj 2024, 16:41, Politikë CNA

Kryeministri Edi Rama mbajti sot një takim me emigrantë shqiptarë në Athinë, takim të cilin mediat greke e kanë raportuar si fushatë elektorale.

“Vizita e Kryeministrit Edi Rama në Athinë, bëhet me qëllimin e vetëm të zgjedhjeve elektorale në Shqipëri”, theksojnë “Protothema” dhe “Kathemirini”.

Mediat greke i kushtuan një rëndësi të veçantë fjalimit të gjatë të Ramës, ndërsa raportojnë gjithçka ishte në kuadër të fushatës elektorale. Disa të tjera shkruajnë se fjalimi i Ramës ishte i mbushur me “fantazi nacionaliste”.

Ata shkruajnë gjithashtu se kreu i qeverisë kishte marrë anëtarë të Partisë Socialiste nga Shqipëria me autobus.

Fantazi nacionaliste dhe fushatë elektorale/ Çfarë thonë

Mediat e shtetit fqinj nuk lënë pa përmendur Fredi Belerin, kryebashkiakun e zgjedhur të Himarës dhe deklaratën e tij nga burgu.

Duke iu referuar këtij të fundit, ata shkruajnë se vizita e Ramës është një provokim për grekët dhe shfaqje force brenda Shqipërisë, duke e lidhur 12 Majin me datën e arrestimit të Belerit.

Vend ka zënë edhe protesta e disa mbështetësve të Partisë Demokratike.

Mediat greke shkruajnë edhe për një incident jashtë stadiumit ku u mbajt takimi, mes të pranishmëve, ku disa thanë se Rama po provokon homologun e tij grek, Kyriakos Mitsotakis, ndërsa disa të tjerë kanë kërkuar të mos i “vihet zjarri dy popujve”./ CNA





Lajmet e fundit nga