E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Vizita e Ramës në Greqi/ Djali i Belerit: Donte të provokonte grekët e Shqipërisë

13 Maj 2024, 11:44, Politikë CNA

Të dielën kryeministri Edi Rama zhvilloi një takim me emigrantët shqiptarë në Greqi.

Lidhur me këtë takim, për median greke SKAI ka folur djali i Fredi Belerit, Petro Beleri, i cili është shprehur që zgjedhja e datës nuk ka qenë rastësi, pasi përkon me të njëjtën datë që është arrestuar i ati i tij, kryetari i zgjedhur i Bashkisë së Himarë, i cili u vu në pranga më 12 maj 2023 për blerje votash, dy ditë para zgjedhjeve lokale.

“Zgjedhja e datës konkrete besoj qartë se ka qenë sfidë, ka dashur të provokojë dhe të përgjigjet për kandidaturën e Belerit. Nuk mund të konsiderohet rastësi që pikërisht në të njëjtën ditë të vitit të kaluar, ky pogrom u bë ndaj një kryetari të atëhershëm kandidat, pastaj kryetarit të zgjedhur dhe që nga ajo kohë një komuniteti të tërë himarjotësh që as sot nuk e kanë parë demokracinë në efekt në vendin e saj”, u shpreh ai.

Sipas djalit të Belerit, Rama me vizitën e tij donte të terrorizonte minoritetin etnik grek që jeton në Shqipëri.

“Besoj se dëshiron të mobilizojë rrethin e tij të ngushtë dhe të dërgojë një mesazh terrori për pjesën tjetër të grekëve që kanë mbetur pas”, tha djali i Belerit për SKAI-n.

“Nëse kemi sukses dhe Fredis Beleri zgjidhet, do të ketë një eurodeputet të zgjedhur që i përket Partisë Popullore Evropiane, i përket ND-së, në Greqi, ai është anëtar i minoritetit etnik grek, ai do t’i nxjerrë në pah këto problemet që ekzistojnë në Shqipëri, sado që dikush të përpiqet t’i fshehë.

Ramën e shqetëson që Greqia sillet në kushtet e shtetit ligjor, e shqetëson që Greqia po sillet institucionalisht, e shqetëson që Greqia sillet në mënyrë demokratike, e shqetëson që humbi zgjedhjet në Himarë, e shqetëson që babai nuk u tërhoq gjatë gjithë kësaj kohe”, theksoi më tej.

Sipas Petro Belerit, i ati ndodhet pas hekurave, me akuza të pabaza të ndikuara politikisht nga kreu i qeverisë shqiptare./ CNA