web counter
LEXO PA REKLAMA!

SHKARKO APP

App Store
Google Play

Celibashi: Palët janë të angazhuara për votën e Diasporës

15 Maj 2024, 15:37, Politikë CNA
Celibashi: Palët janë të angazhuara për votën e
Ilirjan Celibashi

Të mërkurën u zhvillua mbledhja e grupit të dialogut për Reformën Zgjedhore.

Pjesë e tryezës ishte edhe kreu i KQZ-së, Ilirjan Celibashi, dhe përfaqësues të Komisionit Qendror të Zgjedhjeve, për të diskutuar rreth mundësisë së realizimit të votës së Diasporës, rishikimin e strukturës së KQZ dhe depolitizimin e administratës zgjedhore.

Pas takimit Celibashi u shpreh se palët janë të angazhuara për të realizuar votën e Diasporës.

Sa i përket votimit elektronik ai tha se është thuajse e pamundur që votimi elektronik të zhvillohet në gjithë territorin e Shqipërisë.


"Palët janë angazhuar seriozisht për këtë çështje. Ka interes dhe ka vullnet për të gjetur një zgjidhje lidhur me këtë çështje. Ata donin të dinin mënyrën si do të regjistroheshin ata që duan ta ushtrojnë këtë të drejtë. Çështja e afatit ka rëndësinë e vet, por ajo që unë propozova është të jetë KQZ, e cila administron kërkesat e votuesve që duan të votojnë jashtë territorit të Shqipërisë. Adresuam pyetjet për çështje të ndryshme. Mendoj që votimi të kryhej ose nëpërmjet internetit ose në mënyrë elektronike. Nuk mendoj se është votimi me postë. Si zgjidhja më e mirë një tjetër opsion ku fleta e dërgimit mund të dërgohet në mënyrë elektronike me postë. Kjo është çështje teknike, është zgjidhje që bazohet në interesin e palëve të partive politike. Për ta zhvilluar në gjithë territorin e vendit votimin elektronik, çdo ditë që kalon mendoj se është thuajse e pamundur që votimi elektronik të zhvillohet në gjithë territorin e Shqipërisë.’- tha Celibashi pas takimit.

Theksojmë se palët i kanë lënë afat vetes që deri më 1 korrik të kenë gati dokumentin e dakordësuar në formën e projektligjit për ta dërguar në Kuvend për votim./CNA 





Lajmet e fundit nga