web counter
LEXO PA REKLAMA!

SHKARKO APP

App Store
Google Play

Reforma Zgjedhore/ Bylykbashi: Të rikthehet marrëveshja e 5 qershorit, mazhoranca e kundërshton

14 Maj 2024, 15:32, Politikë CNA
Reforma Zgjedhore/ Bylykbashi: Të rikthehet marrëveshja e 5 qershorit,
Oerd Bylykbashi

Nënkryetari i PD-së, Oerd Bylykbashi, ka deklaruar se objektivi kryesor i opozitës është rikthimi i marrëveshjes së 5 qershorit të vitit 2020.

Bylykbashi tha për mediat se ka funksionuar për 20 vite në mënyrë shumë të mirë dhe nuk ka arsye që të mos rikthehet, duke e quajtur çështje thelbësore që të garantojë ndershmërinë e rezultatit.

Ai u shpreh se mazhoranca është kundërshtuese për këtë duke shtuar se Rama nuk heq dorë nga çdo lloj instrumenti për të mbajtur pushtetin.

"Mbledhja e sotme me kërkesë të opozitës kishte si qëllim që të riaktivizohej grupi i dialogut. Qartazi deri më sot nuk ka pasur vullnet nga mazhoranca për të shqyrtuar kërkesat e opozitës.

E kemi thënë që në fillim që objektiv kryesor yni është rikthimi te marrëveshja e 5 qershorit. Ka funksionuar për 20 vite në mënyrë shumë të mirë dhe nuk ka asnjë arsye që kjo mos të rikthehet dhe është çështje thelbësore që të garantojë ndershmërinë e rezultatit. Mazhoranca është kundërshtuese dhe pa asnjë motiv, Rama nuk heq dorë nga një instrument që mund të marrë pushtetin në mënyrë të padrejtë.

Ka parti që kanë marrë 108 mijë vota dhe kanë 4 mandate, ka parti që kanë marrë 30 mijë vota dhe kanë 3 mandate. Kjo është një padrejtësi dhe pabarazi antikushtetuese. Sigurisht që janë dhe çështjet e tjera ku mes tyre janë rekomandimet e OSBE-ODIHR ku duhet t'i largojmë duart e tyre në procesin e zgjedhjeve.

Partia Demokratike e ka pasur çështje votën e Diasporës, Kodi Zgjedhor e lejon votimin e Diasporës dhe është PS ajo që ka bllokuar nëpërmjet Ministrisë së Brendshme regjistrimin e zgjedhësve. Në 4 vite nuk kanë gjetur kohën dhe mundësinë që të miratojnë rregulla dhe të bëjnë regjistrimin e zgjedhësve", tha Bylykbashi./ CNA





Lajmet e fundit nga