web counter
LEXO PA REKLAMA!

SHKARKO APP

App Store
Google Play

E fundit!

x

Samiti BE-Ballkani Perëndimor/ Mesazhi i Ramës nga Mali i Zi

16 Maj 2024, 09:52, Politikë CNA
Samiti BE-Ballkani Perëndimor/ Mesazhi i Ramës nga Mali i Zi
Edi Rama

Kryeministri Edi Rama merr pjesë sot në Samitin e Liderëve të Ballkanit Perëndimor, dhe Bashkimit Evropian, i cili mbahet në Kotor, Mali i Zi, me fokus Planin e Rritjes së Ballkanit Perëndimor.

Ky takim rajonal që zhvillohet nën logon “Një rajon, vizion i përbashkët”, pason takimet e mëparshme të këtij niveli mes liderëve, në Tiranë dhe në Shkup, ku është diskutuar gjerësisht mbi planin, që synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me vendet e BP.

"Pikësëpari do të thoja që jam mjaft i zhgënjyer që Mali i Zi nuk ia doli që të na priste me diell, po na mirëpriti me shi gjerman. Megjithatë, për pjesën tjetër çdo gjë është në rregull, do të zhvillojmë një seancë tjetër të këtij procesi mjaft frymëzues dhe inkurajues që do të çelë shtigje të reja për të gjitha vendet e BE-së për të bërë të mundur integrimin në tregun e përbashkët të BE-së dhe për të nxitur tregtinë ndërkohë që krijon mundësi të reja për qytetarët tanë. Brenda këtij viti të sigurohemi transfertat bankare në BE-ja në vendet tona të jenë shumë më të lira sepse nuk do të të kemi barrën e shpenzimeve që kanë, nëse do të bëhet do të jetë një gjë shumë e mirë", u shpreh Rama. 

Samiti është i konceptuar në dy panele, përkatësisht: “Angazhimi dhe planet e së ardhmes”, si dhe “Kontributi për fuqizimin e bashkëpunimit rajonal”, me pjesëmarrjen e liderëve të rajonit, si dhe Komisionerit të BE-së për Zgjerimin dhe Fqinjësinë, Oliver Varhelyi, dhe Ndihmëssekretarit të Shtetit për Evropën dhe Euroazinë, James O’Brien.

Në Samit janë të pranishëm drejtues e përfaqësues të organizatave partnere si Këshilli i Bashkëpunimit Rajonal, Banka Evropiane për Rindërtim dhe Zhvillim, Banka Evropiane e Investimeve, Banka Botërore, përfaqësues të lartë të Komisionit Evropian, etj./CNA 

 

 





Lajmet e fundit nga