web counter
LEXO PA REKLAMA!

SHKARKO APP

App Store
Google Play

Vota e Diasporës/ Duka: Nuk është faji i opozitës, kemi dërguar draftligjin për këtë

15 Maj 2024, 17:51, Politikë CNA

Vota e Diasporës/ Duka: Nuk është faji i opozitës, kemi

Kreu i PAA, Agron Duka në një deklaratë për mediat nga Elbasani ku pjesë e tryezës kanq qenë dhe eksponentë të tjerë të opozitës ka folur për ngërçin në Kodin Zgjedhor si dhe votën e Diasporës.

Duka u shpreh se është shqetësuese përpjekja për të ngarkuar opozitën me faje që nuk ka, pasi sipas tij nuk është faji i opozitës që Diaspora nuk voton.

“Do vazhdojmë takimet në të gjitha qarqet. Ka shumë problematika që ne mund të diskutojmë, siç është ekonomia e Shqipërisë.

Edhe ngërçi që kemi për kodin zgjedhor ajo që më shqetëson është përpjekja për të ngarkuar opozitën me faj për atë që se ka.

Flitet që edhe për votën e Diasporës e ka fajin opozita ndërkohë që institucionet që duhet ta rregullojnë këtë punë janë institucionet qeveritare që janë në vartësi të qeverisë.

Është çudi e madhe që të ndodhë kjo por fatkeqësisht një propagandë e tillë shpesh herë zë vend në opinionin publik.

Ne duhet tu shpjegojmë njerëzve që nuk është faji i opozitës që Diaspora ka kaq vite që nuk voton.

Ka 11 vite që në qeveri janë këta, kemi dërguar dhe draft ligjin për këtë punë dhe dilet e thuhet se është faji i opozitës që sot nuk voton Diaspora”, tha Duka.

Ndër të tjera ngërçi për koalicionet zgjedhore, sipas Dukës është i padrejtë dhe është bërë për të dëmtuar aleancën.

“Ngërçi për koalicionet zgjedhore është i padrejtë. Këtu shohim që ka shumë njerëz që kanë të njëjtin mendim për këtë dhe për të dëmtuar këtë aleancë prishin koalicionin zgjedhor. Kjo është shumë e dëmshme”, u shpreh ai./ CNA





Lajmet e fundit nga