web counter
LEXO PA REKLAMA!

SHKARKO APP

App Store
Google Play

Shembja e teatrit/ Meta: Nuk do të amnistohet kurrë krimi i Ramës dhe Veliajt

17 Maj 2024, 10:57, Politikë CNA
Shembja e teatrit/ Meta: Nuk do të amnistohet kurrë krimi i Ramës
Ilir Meta

Kreu i Partisë së Lirisë, Ilir Meta, ka reaguar për shembjen e godinës së Teatrit Kombëtar, ku sot bëhen 4 vite. 

Në një postim në rrjetet sociale, Meta nënvizon se ende nuk ka drejtësi dhe as teatër të ri. 

Sipas kreut të PL-së, ky krim barbar i Edi Ramës dhe Erion Veliajt nuk do të amnistohet kurrë dhe mbi rrënojat e Teatrit Kombëtar do të rivendoset drejtësia. 

"Katër vite pas krimit barbar të shembjes së godinës historike të Teatrit Kombëtar, në mes të errësirës dhe në periudhë pandemie, nuk ka as drejtësi dhe as 'teatër të ri'. Ky akt kriminal ende sot mbetet pa përgjegjës! 'Drejtësia me regji' jo vetëm nuk ka shpallur një fajtor, por as ka dhënë një përgjigje mbi arsyet e emergjencës së shembjes, për shkeljet ligjore dhe kushtetuese, për shkeljen e Konventave Ndërkombëtare, si dhe për falsifikimet e zyrtarëve në të gjitha nivelet. Ky krim barbar i Edi Ramës dhe Erion Veliajt nuk do të amnistohet kurrë dhe mbi rrënojat e Teatrit Kombëtar do të rivendoset drejtësia, që do të shembë Tiraninë. Mirënjohje 'Aleancës për Mbrojtjen e Teatrit', të gjithë artistëve dhe qytetarëve, të cilët me sakrifica dhe nën presione të pashembullta, i dhanë zë kauzës së teatrit dhe vijojnë të mbajnë zgjuar ndërgjegjen shoqërore dhe kombëtare duke vijuar protestat para Bashkisë së Tiranës! Teatri Kombëtar do ndërtohet aty ku ishte dhe ashtu siç ishte! Koha për drejtësi dhe llogaridhënie po afron!", shprehet Meta./CNA 

 





Lajmet e fundit nga