web counter
LEXO PA REKLAMA!

SHKARKO APP

App Store
Google Play

E fundit!

x

Rama "përballet" me protestuesit/ Xhaferri: Banderola “Dua të votoj në 2025” sfumoi koncertin

26 Maj 2024, 16:11, Politikë CNA
Rama "përballet" me protestuesit/ Xhaferri: Banderola “Dua
Kreu i FRPD-së, Besard Xhaferri

Kreu i FRPD-së, Besard Xhaferri ka reaguar në lidhje me takimin e kryeministrit Edi Rama në Milano dhe për protestën e emigrantëve shqiptarë.

Në një status në rrjetet sociale, Xhaferri thotë se banderola e protestuesve “Dua të votoj në 2025” sfumoi takimin e Ramës.

Ai deklaron se takimet e Ramës janë tallje e madhe për diasporën, pasi thekson se shqiptarët vijojnë ende të kalojnë me gomone kanalin e La Manshit në 2024-ën për të shkuar në Angli.

“Mjaftoi një banderolë me mbishkrimin “Dua të votoj në 2025” që të sfumonte koncertin e Ramës në Milano që i ngjasonte mbylljes së fushatave tallava të Rilindjes në 14 Maj.

Të rinjtë që mbanin banderolën u nxorrën dhunshëm nga salla nga mercenarët e Rilindjes që ishin pjesë e ekskursionit të patronazhistëve drejt Milanos me taksat tona.

Nuk ka tallje me të madhe për diasporën se këto takime kur ende shqiptarët kalojnë me gomone kanalin e La Manshit në 2024 drejt ëndrrës angleze teksa Borati i Surrelit bredh me charter me tufën e tij të eunukëve si Gadafi dhe Mubaraku.

Takimet me diasporën duhet të jenë foltore ku kryefjalë të jenë hallet e mërgimtarëve  dhe jo shoë i Kryehipokritit dhe mercenerarëve të tij, që janë tallur si pak kush me mundin dhe djersën e emigrantëve, të ardhurat e të cilëve mbajnë në këmbë ekonominë tonë që Edi Rama e ka kriminalizuar.

Nuk ka tallje më të madhe për një emigrant që ka 30 vite që punon me ndershmëri se sa kur Edi Rama në emrin e tij kërkon të bëjë amnistinë e parave të narkotrafikut”, shkruan kreu i FRPD-së./ CNA





Lajmet e fundit nga