web counter
LEXO PA REKLAMA!

SHKARKO APP

App Store
Google Play

E fundit!

x

Rama, i prerë: Komisioni i Posaçëm do të ngrihet menjëherë pas miratimit të projektrezolutës

27 Maj 2024, 13:28, Politikë CNA
Rama, i prerë: Komisioni i Posaçëm do të ngrihet
Edi Rama

Kryeministri Edi Rama, në fjalën e tij në Kuvend, deklaroi se Komisioni i Posaçëm do të ngrihet menjëherë pas miratimit të projektrezolutës.

Ai u bëri thirrje të gjithë deputetëve që të votojnë sot projektrezolutën antikorrpsion. 

"Kjo nuk është një luftë vulgare për pushtet. Është një luftë për institucionet. Kjo forcon sundimin e ligjit mbi subjktet që veprojnë mes vete. Nisma që merr jetë me këtë rezolutë buron nga nevoja e thellimit të kësaj lufte. Është një sfidë për anëtarësimin në BE. I pari është për të gjithë shqiptarët, jemi të vetëdijshëm që korrusioni në Shqipëri është një 'kancer' i trashëguar, të cilin kundërvënia jonë me vizion dhe reforma dhe me heqjen dorë nga kontrolli politik i drejtësisë ka nisur ta zbrazë, por ende nuk e ka mundur, prandaj korrupsioni është një fenomen shqetësues. Ja pse ne sot vijmë në këtë parlament me këtë nismë. Kjo ka një fuqi të brendshme për ndryshimin e vendit. Të dytën e kam për të gjithë deputetët, ashtu siç nuk u ndal Reforma në Drejtësi, as kjo nismë e re nuk ndalet. Prandaj thirrja ime është votojeni sot, por nëse nuk e gjeni sot forcën, mos e bojkotoni nesër Komisionin e Posaçëm parlamentar, që do të ngrihet menjëherë pas miratimit të saj", u shpreh Rama.

CNA ka denoncuar prej muajsh ngritjen e Komisioni të Posaçëm, e cila ka si synim kontrollin e SPAK-ut. Ky komision pritet të drejtohet nga Fatmir Xhafaj. /CNA 





Lajmet e fundit nga