web counter
LEXO PA REKLAMA!

SHKARKO APP

App Store
Google Play

Deliron Luli: Në 4 vite do liberalizoj vizat me SHBA-në

26 Maj 2024, 22:54, Politikë CNA
Deliron Luli: Në 4 vite do liberalizoj vizat me SHBA-në
Lulzim Basha

Lulzim Basha, ekselenti i opozitës, që me lidhjet e shumta diplomatike i ka sjellë Shqipërisë suksese të panumërta, ka kaluar kufijtë e imagjinatës në premtimin për t’i bërë të gjithë shqiptarët të përjetojnë ëndrrën amerikane.

Këtë të dielë, Basha, gjatë një podcasti ka premtuar se në 4 vite qeverisje do të liberalizojë vizat me SHBA-në.

“Ambicia ime dhe për momentin ëndrra ime, por jam i bindur në rastin e marrjes së përgjegjësive së qeverisjes, do t’ia dalim që të liberalizojmë vizat me SHBA. Brenda 4 viteve të ardhshme, shqiptarët lëvizin pa viza në Shtetet e Bashkuara të Amerikës. Dhe ne e kemi nisur këtë dialog politik që atëherë, por nuk avancoi për arsye që dihen. Por jam i bindur që me një qeveri të re, me një vullnet politik ndryshe, sigurisht me një rekord ndryshe se ajo është më e rëndësishmja në çdo aspekt, duke përfshirë fushat që janë me rëndësi për Amerikën, që e ka caktuar për korrupsionin si rrezik të sigurisë të saj kombëtare. Dhe me një marrëdhënie special me aleatin tonë strategjik, unë kam ambicien dhe besimin që do ia dal të heq vizat me SHBA”, theksoi ai.

Luli i cili me deputetët e tij nuk bën dot as një grup parlamentar, përtej ëndrrave për të marrë karrigen e pushtetit, duket se ka filluar të delirojë deri në atë pikë sa nuk e besojnë më as mercenarët e tij.

Epo, tashmë edhe ata pak shqiptarë që kanë mbetur në vend do dynden në qendrat e votiumit për të votuar Lulin, për një hap më pranë ëndrrës amerikane. Kuptohet, gjithmonë vetëm kur janë duke dremitur./ CNA





Lajmet e fundit nga