web counter
LEXO PA REKLAMA!

SHKARKO APP

App Store
Google Play

E fundit!

x

Lufta kundër SPAK-ut/ Fatmir Xhafaj keqpërdor deklaratat e ndërkombëtarëve

27 Maj 2024, 14:24, Politikë CNA
Lufta kundër SPAK-ut/ Fatmir Xhafaj keqpërdor deklaratat e
Fatmir Xhafaj

Mazhoranca ka ndërmarrë një sërë hapash për të vënë nën kontroll SPAK-un dhe kjo ka shqetësuar ndërkombëtarët. Këta të fundit i kërkuan mazhorancës transparencë, konsultim gjithëpërfshirës dhe pakthyeshmëri të Reformës në Drejtësi të vitit 2016.

Por pavarësisht se ndërkombëtarët kanë qenë të qartë në qëndrimin e tyre, Fatmir Xhafaj, i cili njihet si enveristi i fundit, pretendoi se SHBA-ja dhe BE-ja po e mbështesin rezolutën e PS-së.

Ai deklaroi se është krenar për këtë rezolutë, teksa theksoi se mazhoranca do të vazhdojë me hapa të tjerë për të bërë një reformë të dytë.

“Jam krenar që PS, familja ime politike me kurajë dhe vizion të qartë është duke iniciuar këtë hap të madh reformimi. Reformat janë e vetmja rrugë e vërtetë shprese, e cila nuk na e mban kokën mbrapa, as kokën lart nga ballkoni drejt askundit, por drejt Shqipërisë evropiane 2030. Mbështetja që kemi marrë këto 33 vjet nga SHBA-ja dhe BE-ja ka qenë vendimtare në këtë rrugëtim të gjatë për konsolidimin e demokracisë, shtetit të së drejtës, ashtu siç ngjau me reformën në drejtësi, ku asistenca dhe monitorimi prej tyre dihej gjatë hartimit dhe sot gjatë zbatimit mbeten garancia kyçe e suksesit. Jam tejet optimist për mbështetjen e partnerëve tanë edhe për këtë rezolutë, që i hap rrugë një procesi tjetër reformues ose siç u shpreh një nga partnerët tanë strategjikë: Reforma 2. Sigurisht, siç ngjau te Reforma në Drejtësi, ata do të na asistojnë dhe do të na monitorojnë, por në thelb kjo mbetet lufta jonë, përgjegjësia jonë”, tha Xhafaj./ CNA





Lajmet e fundit nga