web counter
LEXO PA REKLAMA!

SHKARKO APP

App Store
Google Play

E fundit!

x

Vetting politik për Fatmir Xhafajn, enveristin që kërkon të kontrollojë SPAK-un

28 Maj 2024, 12:40, Politikë CNA
Vetting politik për Fatmir Xhafajn, enveristin që kërkon të
Fotomontazh - Fatmir Xhafaj dhe SPAK

Mazhoranca miratoi dje një rezolutë, që siç e ka theksuar CNA, i hap rrugë ngritjes së një Komisioni të Posaçëm parlamentar, që në fund ka si objektiv kontrollin e SPAK-ut.

Ndonëse Rilindja po tenton ta shesë si një komision në kuadër të luftës ndaj korrupsionit, në kuadër të integrimit në BE, e vërteta është se ata po kërkojnë të thërrasin në Apel, SPAK-un, ndonëse ky institucion raporton në Komisionin e Ligjeve.

Pas këtij komisioni qëndron Fatmir Xhafaj, i njohur si enveristi i fundit dhe 99-çi i parë.

Vetting politik për Fatmir Xhafajn, enveristin që kërkon të
Enver Hoxha dhe Fatmir Xhafaj

Xhafaj, njeriu që ka marrë rolin e avokatit të Erion Veliajt, po kërkon me çdo kusht të ushtrojë presion ndaj SPAK-ut për të ndaluar hetimet e këtij institucioni ndaj vjedhjes galopante në Bashkinë e Tiranës.

Në fakt, Xhafajt, këtij personi që po lufton hapur SPAK-un duhet t’i hetohet pasuria dhe përpara se të marrë drejtimin e komisionit duhet t’i kalojë në “vetting”-un politik, pasi ish-ministri i shkarkuar për vëllain trafikant dhe me një vëlla tjetër të përfolur për afera të ndryshme nuk mund të bëjë ligje apo të thërrasë në Apel, SPAK-un.

Më parë duhet që Prokuroria e Posaçme t’i hetojë pasuritë dhe t’u tregojë shqiptarëve të vërtetën e Fatmir Xhafajt, i cili ka nisur tentativat për të shfuqizuar nenin për shpërdorimin e detyrës, me pretendimin se SPAK-u po abuzon.

Duke hequr shpërdorimin e detyrës si vepër penale, Rilindja dhe Xhafaj kërkojnë të shpëtojnë zyrtarët që kryejnë korrupsion. Dhe kjo ndodh në një kohë kur SPAK-u ka dërguar pas hekurave disa dhjetëra zyrtarë, mes të cilëve edhe drejtorët e Erion Veliajt.

E në rast se ky nen nuk do të ekzistonte, nuk do të ishin arrestuar drejtorët e Veliajt, apo shumë zyrtarë që kanë shkelur detyrën për përfitime personale.

Vetting politik për Fatmir Xhafajn, enveristin që kërkon të
Fatmir Xhafaj dhe Erion Veliaj

Kjo është ajo çfarë po kërkojnë Fatmir Xhafaj, Edi Rama dhe Erion Veliaj me gjoja betejën e tyre kundër korrupsionit.

Në fakt, secila palë po kërkon më shumë kohë, por për sa kohë disa ligje janë në fuqi, e për sa kohë të bëhet Fatmir Xhafaj për të ndërhyrë dhe goditur institucionet e pavarura, ndoshta do të jenë vonë, pasi jo vetëm ata që janë në hetim, por edhe shumë të tjerë duket se do të bien “dëshmorë” të shkeljes së ligjit, korrupsionit dhe abuzimit.

Ndoshta “dëshmor” i drejtësisë së re mund të bjerë edhe vetë Xhafaj, apo të afërmit e tij, por më e rëndësishmja është që Xhafajt t’i bëhet “vetting” politik./ CNA





Lajmet e fundit nga