web counter
LEXO PA REKLAMA!

SHKARKO APP

App Store
Google Play

E fundit!

x

Çfarë synon Rama me enveristin e fundit me komisionin kundër SPAK-ut?

28 Maj 2024, 12:16, Politikë CNA
Çfarë synon Rama me enveristin e fundit me komisionin kundër
Fatmir Xhafaj dhe Edi Rama

Dje parlamenti miratoi një rezolutë, e cila i hap rrugën një Komisioni të Posaçëm, i cili është quajtur në kuadër të luftës ndaj korrupsionit dhe hapave të tjerë përpara që duhet të hedhë Shqipëria.

Ky komision është një “update” numër 2 i Reformës në Drejtësi, për të cilën kryeministri ka shprehur pakënaqësinë, megjithëse ndryshe ka qenë qëndrimi i tij për SPAK-un. Diku e mbështet, diku thotë se ka kryer veprime që i japin pakënaqësi.

Në fakt, nuk ka çfarë kënaqësie t’i japë SPAK-u Edi Ramës, as Fatmir Xhafajt, as Erion Veliajt e të tjerëve me radhë, por problem është se Reforma në Drejtësi nuk është vetëm SPAK-u. SPAK-u ka bërë detyrën e tij.

Çfarë synon Rama me enveristin e fundit me komisionin kundër
Fatmir Xhafaj dhe Erion Veliaj

Problemi është Gjykata e kapur Kushtetuese, ku mund të thuhet se mbizotëron për herë të parë një kontroll i plotë i saj politik, me individë të paaftë, pa eksperiencë. Ndoshta është trupa më e turpshme e Gjykatës Kushtetuese në më shumë se 30 vite tranzicion dhe demokraci.

E dyta është Gjykata e Lartë, e cila kryesohet sërish nga dikush që nuk ka bërë vetting. E kanë nxjerrë nga dera dhe e kanë futur me dhunë nga penxherja.

Probleme janë edhe Gjykatat e Apelit, probleme janë edhe gjykatat në rrethe. Dhe në rast se i shikojmë këto detaje, fakti është se kryeministri ose duhet të pranojë se Reforma në Drejtësi ka dështuar ose duhet të pranojë se ka një hall me SPAK-un, të cilin nuk e ka nën kontroll dhe i duhet me çdo kusht që të përgatisë ligje, që ky institucion i mirëpërcaktuar në kushtetutë të raportojë te qeveria apo te ndonjë strukturë tjetër.

Çfarë synon Rama me enveristin e fundit me komisionin kundër
Kryeministri Edi Rama

Në fakt, SPAK-u raporton në Komisionin e Ligjeve dhe kaq, ashtu siç raporton çdo institucion tjetër. (Lexo këtu)

Nga ana tjetër, nëse Rama donte të bënte një reformë të vërtetë dhe duhet të ecte drejt procesit të BE-së, duhet të merrte dokumentet referuese të BE-së, detyrat e lëna dhe këto t’i bënte nëpërmjet komisionit të integrimit. Por mesa duket ka halle më të mëdha sesa e vërteta që pretendon ai për një rrugë të vërtetë drejt Evropës, me një luftë më të ashpër ndaj korrupsionit, sepse kryeministri Edi Rama ka gati 11 vite dhe ende edhe sot nuk ka referuar në SPAK asnjë rast të vetëm korrupsioni në nivelet e larta të qeverisjes, përkundrazi, u ka bërë dhe avokatinë, siç është rasti i inceneratorëve dhe është justifikuar pambarimisht.

Dy janë pikat që kërkon të bëjë Rama te kjo Pseudoreforma e dytë në Drejtësi.

Çfarë synon Rama me enveristin e fundit me komisionin kundër
SPAK

Së pari, luftën ndaj korrupsionit duke shfuqizuar nenin për shpërdorimin e detyrës, sepse ka pretendime nga Rama dhe të tijtë se SPAK-u po abuzon. Këtë e ka konfirmuar publikisht edhe Baton Haxhiu, një nga njerëzit më afër Ramës. (Lexo këtu)

CNA e ka thënë shpesh se do të tentohet të hiqet shpërdorimi i detyrës. Në fakt, ka edhe një hap të dytë nga kryeministri. Skema është e qartë, Shqipëria është një Republikë Parlamentare, Parlamenti punon nga populli dhe para Parlamentit duhet të japin llogari të gjithë.

Pra, nuk është se kemi të bëjmë thjesht dhe vetëm me një reformë antikorrupsion, ku kryeministri tashmë ka rigjetur veten, ka marrë flamurtarin e luftës ndaj korrupsionit dhe në Kryeministri ka ndërtuar struktura të posaçme, po godet administratën, po godet korrupsionin, ai vetëm me njerëzit e tij po i dërgojnë në gjykata e prokurori, po krijojnë kallëzime për të treguar se nuk ka tolerim.

Çfarë synon Rama me enveristin e fundit me komisionin kundër
Kryeministri Edi Rama

Jo, nuk ka ndodhur kështu. Thjesht dhe vetëm duan të kërkojnë llogari nga SPAK-u dhe të shfuqizojnë një nen, i cili në momentet që ndodhemi është në fuqi dhe ka dërguar pas hekurave disa dhjetëra zyrtarë.

Këto zyrtarë hajdutë që ndodhen burgjeve nëse ky ligj nuk do të ekzistonte nuk do të ishin pas prangave, por do të ishin persona të lirë, edhe pse ishte vërtetuar se kishin shkelur ligjin, kishin shkelur detyrën për përfitime personale dhe rastet janë të shumta.

Prandaj është e qartë për të gjithë se çfarë po kërkojnë Fatmir Xhafaj, Edi Rama dhe Erion Veliaj me gjoja betejën e tyre kundër korrupsionit./ CNA





Lajmet e fundit nga