web counter
LEXO PA REKLAMA!

SHKARKO APP

App Store
Google Play

Veliaj shpall fitoren/ "Kolegët" e SPAK-ut do më mbyllin hetimin pasuror

28 Maj 2024, 19:11, Politikë CNA
Veliaj shpall fitoren/ "Kolegët" e SPAK-ut do më mbyllin
Erion Veliaj, godina e SPAK, fotomontazh

Nuk është për të qeshur, as për të vënë kujën por është nga ato intrigat e përditshme të tavolinave të politikës shqiptare, të pazareve, të thashethemeve dhe të pisllëqeve që gatuhen në mënyrë të neveritshme ditë e natë.

Përpara se SPAK-u të fillonte arrestimet për dosjen 5D dhe inceneratorët, Erion Veliaj dilte lart e poshtë dhe thoshte se SPAK-un e kishte në kontroll.(LEXO KETU)

Kaluan disa kohë dhe filluan hetimet për inceneratorin e Tiranës dhe dosjen 5D. Theksoi se njerëzit e tij ishin të paprekshëm, ai ishte i fuqishëm në SPAK, kish mbyllur çdo gjë me amerikanët dhe asnjë drejtor s'i trazohej.

Pasi u arrestua Taulant Tusha doli teza se do të bënin disa ditë burg dhe do të dilnin direkt se, gjykata do t’i lironte, ishte një procedurë për tu mbyllur.

Veliaj shpall fitoren/ "Kolegët" e SPAK-ut do më mbyllin
Taulant Tusha

Në fakt po bëhen rreth 6 muaj Tusha që ndodhet në burg, pasi u arrestua në 8 dhjetor të vitit 2023. Pas tij ranë me radhë dhe drejtorë të tjerë të Bashkisë së Tiranës për të cilët thanë një tezë tjetër.

"E mo ja do bëjnë 1 apo 2 vite burg por do pastrojnë 1 milionë apo 2 milionë euro, do shpëtojnë. Kush nuk e bën burgun për 2-3 milionë euro"

Por iu filloi dhe këtyre drejtorëve të Bashkisë hetimi pasuror.

Erion Veliaj deklaronte se nuk e kishte thirrur kush në SPAK, në fakt i kishin shkuar 2-3 fletërthirrje dhe shkoi atje si Çeçoja me një këmbë.

Aq sa e bëri veten dhe lolo, duke dalë në media dhe duke thënë se nuk e kishte thirrur kush. Ky po shkonte vetë për të qenë proaktiv dhe në fakt aq proaktiv ishte sa e lanë një orë te dera të priste deri kur të vinte ora për tu marrë në pyetje në institucion. (LEXO KETU)

Kur doli nga SPAK-u, ky njeriu që i kishte b*let prej hekuri që nuk i arrestonin drejtorët, që i kishte mbyllur çdo gjë me amerikanët, që ky ishte më i fortë se të gjithë, se ky kontrollonte SPAK-un e kështu me radhë ierdhi vetedija dhe filloi të shante. Diçka kishte kuptuar nga pyetjet që i kishin drejtuar prokurorët.

Tani i ka filluar dhe hetimi pasuror dhe ka dalë me një tezë tjetër nga këto të tallavave  të Fane Kapterit dhe ai i ka qejf e ndonjë tjetër lart e poshtë. (LEXO KETU)

Se Veliaj nuk ka asgjë në hetim pasuror është i pastër fare. Ja kanë bërë kolegët e SPAK-ut, ja do t’ia mbyllin shpejt e shpejt sa t’ia shikojnë. Merak kishte vëllain, e ndonjë gjë të vëllait, por s’ka ndonjë problem.

Në fakt kompania e vëlliat ka dhjetëfishuar dhe qindfishuar e deri një mijëfishuar të ardhurat me ardhjen e Veliajt në krye të Bashkisë.

Menaxhon disa kompani. Ndërkohë paguhet një televizion siç është “Abc News” me një skemë blerje krejtësisht të dyshimtë që mbahet nga pagesat e Arbër Veliajt.

Nga ana tjetër në rast se nuk do të ishte i shqetësuar dhe gjërat do të ishin krejtësisht pa asnjë problematikë do ta shikonim juriste të suksesshme zonjën e Veliajt, Ajola Xoxën.

Por e shikojmë me kompani, me fryrje aksionesh dhe braktisje jurisprudenca dhe kuratore arti. Pa folur për tre katet tek Kodra e Diellit.

Veliaj shpall fitoren/ "Kolegët" e SPAK-ut do më mbyllin
Erion Veliaj dhe Ajola Xoxa

Këto janë pjesë të hetimeve pasurore dhe tashmë i dinë profesionistët që po i hetojnë.

Por sidomos kjo teza e fundit e lalit që e ka bërë veten lolo se SPAK po e heton pasurinë e tij që t’i mbyllë dosjen, që t’ia pastrojë se ky pasi të mbarojë ky hetim do të jetë kryeministri më i ndershëm i Shqipërisë. (LEXO KETU)

Këtë edhe Edi Rama kur e ka dëgjuar jo vetëm është gajasur, por ndoshta nga ai moment ka vendosur që t’i thotë “lali ti je gjenial”.

Në parti duhet të ngremë një sektor humoristësh ku, edhe pse atje aderon Gaz Paja, lali Eri do t’ia zinte vendin jo vetëm për humor, por se ka dhe humor dhe mashtrim brenda. Është dhe humorist dhe mashtrues./ CNA

 





Lajmet e fundit nga