Fuga merr me vete Veliajn për ta shfaqur në krah të Ramës

26 Maj 2024, 11:55, Aktualitet CNA

I ndodhur në hall pas hetimit nga SPAK-u, i marrë tashmë nën akuzë, Erion Veliaj ka fluturuar drejt Milanos ku kryeministri Edi Rama po zhvillon takimin e tij të radhës.

Në dy ditët e fundit, Erion Veliaj ka postuar foto në takime a thua se është ai që e organizon manifestimin me shqiptarët në Itali.

Fuga merr me vete Veliajn për ta shfaqur në krah të Ramës

Postimet e Veliajt

Në fakt takimi zhvillohet nga kryeministri Edi Rama dhe Erion Veliaj është marrë nga miku i tij Endri Fuga nga pas me shpresën për të zbutur sadopak marrëdhëniet e ftohura dhe tashmë të shkatërruara të kryebashkiakut të Tiranës me kryeministrin Edi Rama.

Veliaj i qëndron nga pas kryeministrit. Ka shkuar një ditë para, do të përpiqet të bëjë gjithçka, foto. A thua se është ndonjë nga ata fansat e rrugës që përpiqet t’i marrë një shkrepje kryeministrit apo një nga ata fansat e zakonshëm apo militantët që votojnë partinë.

Kështu po ndodh edhe me Erion Veliajn sot, të cilin mesa duket Edi Rama e ka çuar në cep duke mbajtur premtimin se ai kurrë nuk do të mbështeste dhe nuk do të sulmonte SPAK-un për hajdutët dhe kusarët e tij dhe Erion Veliaj tashmë ka dalë hapur që është kryetari i një organizate hajdutësh, siç është Bashkia e Tiranës, ku shumica e drejtorëve kanë përfunduar në pranga, të tjerë janë në hetim dhe në ditët në vijim priten arrestime të tjera në lidhje me hajdutëritë në këtë institucion.

E qartë, Veliaj kërkon të shesë imazhin e tij t'u thotë militantëve dhe njerëzve që është në krah të Ramës dhe Rama e mbron, ai ka një bashkëpunëtor.

Me gjithë përpjekjet, Veliaj është ulur në rreshtin e dytë me shpresën se Rama do t'i shkelë syrin. Në fakt Veliaj duket më i braktisur se kurrë.

Por sido që të jetë nuk mjafton që Fuga ta marrë nga pas si çirak sepse nuk e shpëton dot as Rama nga SPAK-u.

Është njësoj si te filmi “Liri a Vdekje” dhe kjo të kujton një pasazh të madh nga aktori i madh Sotiraq Bratko, i cili në rolin e një gjenerali turk i drejtohet një patrioti duke i thënë “të kam kapur të gjallë, tani nuk të bën derman as robi, as Allahu" dhe kjo është për Erion Veliajn. Është një fakt sot që Erion Veliajn e ka kapur SPAK të gjallë dhe nuk i bën dot derman as Rama, as Zoti./ CNA