E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Agron Llakaj, fjalë prekëse për ndarjen nga jeta të bashkëshortes: Sëmundja na e mbylli perden e skenës

25 Maj 2024, 13:55, Aktualitet CNA

Agron Llakaj, fjalë prekëse për ndarjen nga jeta të

Bashkëshortja e artistit të njohur Agron Llakaj është ndarë nga jeta, pas një lufte të gjatë me një sëmundje të rëndë.

Lajmin e trishtë e ka dhënë nëpërmjet një postimi në rrjetet sociale vetë artisti.

Pas postimit të parë ku bëri publik lajmin e trishtë, aktori ka bërë tjetër reagim në "Instagram", ku ka publikuar një shkrim mjaft prekës.

Postimi i plotë:

Kostandina ime e shtrenjtë! Edhe pse t’i kam thënë shumë e shumë herë…,sot në lamtumirën tënde të fundit, dua që t’i kesh me vete. Kemi patur një rrugëtim të vështirë, të lodhur dhe me shumë sakrifica…,ëndërruam për një jetë të re dhe me shumë ambicie. E që unë të mbaroja shkollën e lartë të arteve, ti sakrifikove nga jeta jote ,rrite dy femijët..Alkidën dhe Enon.

Sa shumë ke sakrifikuar për Ne…,Ti ishe shtëpia, forca më e madhe që ne kishim ishe Ti. Kur vendosëm të vinim drejt Tiranës për një të ardhme më të mirë…,ishe po ti që krijove Tiranën( Itakën ) në mua. “Nuk do kthehemi mbrapa kurrë Agron..,beso në mua! Ne do t’ja dalim!” Dhe ashtu ndodhi.

Dhe ecëm e ecëm, u rritëm edhe ne bashke me femijët…,u bëmë dikushi, i buzëqeshëm kohës dhe viteve, të qenurit nënë e babë e pastaj gjyshër…,sa shume ëndrra…,por ja që jeta nuk është skenar i shkruar…, sëmundja e pabesë na e mbylli perden e skenës së jetës atëherë kur duhet ta shijonim më shumë.

Dhe e fundit Kostandina ime…,sot kam shume lot për ty, por di që, kur një artist largohet nga skena merr duartrokitjet me vete…,ti ishe gjysma ime më e mirë e njeriut dhe artit, dhe tani me largimin tënd nga skena unë e kërkoj një duartrokitje të madhe. Falemnderit Kostandina! Falemnderit GoNina!

Lamtumirë në qiellin e engjëjve aty ku shpirti yt i mirë e meriton! Më prit…,nuk di se kur, por ti do më presësh si përherë./CNA