E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

3335 celularë dhe karta SIM, në përgjim/ SPAK, në lupë politikanë dhe anëtarë të grupeve kriminale

24 Maj 2024, 18:02, Aktualitet CNA

SPAK

SPAK ka marrë në përgjim 3335 celularë dhe karta SIM, ku përfshihen edhe politikanë dhe anëtarë të grupeve kriminale.

Kjo e dhënë është bërë e ditur nga SPAK në raportin për vitin 2023, ku thuhet se përgjimi i pajisjeve telefonike dhe kartave SIM ka shënuar një rritje të ndjeshme në krahasuar me vitin 2022.

Hetuesit e Byrosë Kombëtare të Hetimit thonë se kjo metodë është demonstruar si e efektshme në sigurimin e provave kundër zyrtarëve të korruptuar dhe anëtarëve të grupeve kriminale.

"Gjatë vitit 2023, Prokuroria e Posaçme ka përdorur metodën e përgjimit për 186 procedime penale ku janë interceptuar 3335 pajisje fundore (pajisja/numri telefonik i subjektit në përgjim), ku vërehet rritje krahasuar me vitin 2022", thuhet në raportin e publikuar nga newsbomb.al.

Raporti ngre alarmin e përfshirjes së politikanëve, zyrtarëve të lartë dhe funksionarëve shtetërorë në vepra të korrupsionit.

Sipas SPAK-ut, në veprat penale dominojnë rastet e korrupsionit, për të cilat janë regjistruar 109 procedurash dhe janë përgjuar 1436 pajisje në vitin 2023. Ndërkohë, në vitin 2022 ishin 69 procedura penale dhe 1023 pajisje të përgjuara për raste korrupsioni.

Raporti gjithashtu evidenton se grupet e strukturura kriminale janë përfshirë në rritje në këto vepra penale, me 77 procedura penale dhe 1899 pajisje të përgjuara në vitin 2023, krahasuar me 53 procedura penale dhe 1154 pajisje të përgjuara në vitin 2022.

Gjithashtu, Prokuroria e Posaçme nënvizon se "ka pasur një rritje të aplikimit të metodave të hetimit proaktiv, në rastin e përgjimeve telefonike, por është rritur gjithashtu edhe aplikimi i metodave të posaçme te hetimit si: vëzhgime, kontrolle, simulime, sekuestro i provave materiale, letërporosi, agjentë të infiltruar etj".

Ky raport është bërë publik në një kohë kur SPAK organizoi megaoperacionin me 50 urdhër-arreste, ku përfshiheshin “kokat” e grupeve kriminale, por edhe politikanë dhe zyrtarë të policisë./ CNA