web counter
LEXO PA REKLAMA!

SHKARKO APP

App Store
Google Play

E fundit!

x

“Vetting”-u e shkarkoi/ Ja kur do të mblidhet KLP-ja për mandatin e Alfred Ballës

24 Maj 2024, 15:25, Aktualitet CNA

Kolegji i Posaçëm i Apelimit shkarkoi të martën kreun e Këshillin të Lartë të Prokurorisë, Alfred Balla, dhe e përjashtoi atë për 15 vite nga sistemi i drejtësisë.

Pas shkarkimit nga “vetting”-u, Këshilli i Lartë i Prokurorisë do të mblidhet për të vendosur për mandatin e Alfred Ballës.

Mësohet se mbledhja do të zhvillohet më 27 maj, në orën 11:00.

Kujtojmë se Balla iu desh t'i nënshtrohej procesit të rivlerësimit pasi deri më 31 korrik 2017 ka punuar si ndihmës ligjor në Gjykatën e Lartë.

Fillimisht ai e kundërshtoi vettingun me “e-mail”, duke pretenduar “se një proces i tillë nuk është i nevojshëm për të, pasi nuk ka statusin e magjistratit si ndihmës ligjor në Gjykatën e Lartë”. Madje Balla ka bërë edhe padi në Gjykatën Administrative duke thënë se është shkarkuar nga ky post.

Vëzhguesit e Operacionit Ndërkombëtar të Monitorimit kundërshtuan me forcë kërkesën e Ballës për të ndaluar vettingun e tij, por KPK e ndërpreu “vetting”-un dhe nuk vendosi as sanksionin që i ndalon emërimin në disa pozicione në sistemin e drejtësisë për 15 vjet.

Pas ankimimit të Komisionerit Publik, KPA rrëzoi vendimin e KPK-së dhe vendosi këtë sanksion për Alfred Ballën. Nga ana tjetër, vetë kreu i KLP-së nuk pranoi vendimin e trupës gjykuese dhe tha se nuk është shkarkuar.

Tashmë fati i tij do të vendoset më 27 maj./ CNA





Lajmet e fundit nga